Duteronomi 4:26 - Nobonob Baibel

²⁶ amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.

Duteronomi 4:26 Referans Kwoze

Duteronomi 32:1

⌊Danab ag laa nai mattiegeg dootteb bia,⌋ O hab, da nai madippippi, na doye! O wan, na da nai madittem imu doye!

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.

Jeremaia 22:29

O Juda danab ah. O Juda danab ah. O Juda danab ah, ag Yawenu nai doyeg!

Jeremaia 2:12

Amu Yawe Nug atte. “O hab, na danab daalom, na Israel heppig anidna, na ootppa eheɗ nau doolom. Ao, na ameg iɗuak doonna, beɗun hahaɗlo.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Josua 23:16

Ag nug tituana nai qakkak Yawe, ahilag Kayak, Nug ag mattom amu, ag nai amu tippalna, kayak laa dilagppa dup nona binalag mena, ag waalagppa daan, ag oɗelag dim lamidkkulag amu, Kayak Nug ahilagnu oo nauhak okkai doyeb, ag geha laippun wan ena, Nug ag mattom ele, ag amuppanu nauhna, iitta men malaglag,” awa aum.

Lewitikas 18:28

Am ag Israel, ag kobol dubuttid ele hekkulag amu, amuppa ag heppeg, wan dubuttid tak ele daakku, amu da heppi, danab nug bahe ba gotte, amubia ag wan amu uun gokkulag. Danab ah ag geha wan amuppa daatteb ele, ag kobol dubuttid ele anam hetteb amunu, da aakku heppi, ag danab laa keeke bahe ba gotte bia, ag wan amu uun gona, appa ii daamna.” Yawe Nug ɗo amu Moses mettom.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Esekiel 36:4

Kekeɗ ag anam heppig amunu, Israel dilag qauko, ag Naɗi Yawenu nai doyeg! Ge, Naɗi Yawe Nug ag qauko okkai, qauko nakok, oolnu noak okkai, oolnu noak nakok, aab hele-ettak daatteb, aab laala ele, wan laala ag talilidna daatteb dilag ban danab ahilagppa oinna, keeke akkan gonana, aon aon aqappig ele amu, Nug ag ohnu nai imu atte amu, ag doyeg!

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Jeremaia 6:19

Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Duteronomi 31:28

Aria, gemu amu, da keeke imu oh ag amelagppa appi dooglagnu, hab, wan ele aa dopeɗ, da nai imu Israel dilag ikki danab, da ag amelagppa matti dooppig, aa ele dooyya, dimppa aa da genab, da ag amelagppa ami akkulahnu elele daaglahnu amu, ag appeg, Israel dilag huu okkai ohppan ikki danab, amu anuqak danab ele uɗippeg, ⌊da appi dooglag⌋.

Duteronomi 29:28

Yawe Nug oo nauhak huanaknab doya, oppoɗi ele be, Nug danab ah nuhikkud, ahilag wanppanu lamatte gona, wan laa dilagppa daappig; gemu ele ag amuppaib daatteb,” aon akkulag.

Esekiel 33:28

Da heppi, wan imuam hele-ettak, wan meu waknu nakokib elele, am anam daakku, appa keeke laa ii daama. Israelnu ɠagattag iitta meeb, Israelnu qauko am hele-ettak, wan meu waknu nakokib elele daappeg, danab ag qaukoppa tena, letan, laih gokkulagnu ii hemana.

Maika 1:2

Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Duteronomi 7:4

Aɗinu? Ag anam heppeg amu, danab ah amu ag heppeg, ag bekkalkad aɗelkad ele ag geha kayak laala noolagppa dup noa binag mak kobol hekkulag. Ag anam heppeg, geha Yawe Nug ahilagnu oo nauhak huana doya, Nug heeb, ag paha padal mena iitta mekkulag.

Duteronomi 8:19

Amge am inam daakku. Ag Yawe, ahilag Kayak, ag Nug daulag atieb, ag kayak laa dim lamadna, ag noolagppa dup noa binag mak kobol hekkulag dayeb amu, da genab ag amelagppa attem, geha ag padal mena, iitta mekkulag.

Duteronomi 8:20

Ag Yawe, ahilag Kayak, Nug ii dim lamidkkulag dayeb amu, Yawe Nug danab ah wan ag madakkunu hedeppa daatteb, Nug ag heeb nauhkkulag bia heeb, ag Israel, ag padal mena, iitta mekkulag.

Duteronomi 11:17

⌊Ag amu hekkulag dayeb amu,⌋ Yawe Nug ahilagnu oo nauhak okkainab dookku. Nug heeb, gu ii nema. Ag ee meu laa iinab aomna. Anam heeb, ag laippun wan amuppa, Yawe Nug ag madatte amu, ag amuppa mauhkkulag.

Duteronomi 28:20

Yawe Nug heeb, eheɗ laa awaknu anak waappa dayak, dabmak kaboliak, bu qak ele ahilagppa uɗikku. Ag aɗi hekkulagnu hekkulag amu, Nug anam aakku hekku. Nug anamib heeb ukkeb, ag nauhna autna aon, pahanab mauhkkulag. Yawe Nug aɗi diignu anam hekku? Amunu diig am, ag kobol nau henana, Nug dimettaglag, amunu Nug anam hekku.

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Duteronomi 28:45

Am ag Yawe, ahilag Kayak, ag haknunab anak, amu ɗo ele Nug ag mattom, ag amu dim lamittak uuglag dayeb amu, diig amunu eheɗ laa awaknu anak waappa dayak imu oh ahilagppa bekku. Ba dayebeb, ag padal mekkulag.

Duteronomi 28:61

Ele amu, Yawe Nug geha ahilagppa oɗe oh, uug naunab ele oh, Ɗo Nainu Bukppa ii yaak ele, amu oh ahilagppa meeb beebeb ukkeb, ag oh nauhna iitta mekkulag.

Josua 24:20

Aɗinu? Ag Yawe uuidna, laa dilag kayak hambuppuak waalagppa daan, ag oɗelag dim lamidkkulag dayeb amu, Nug geha ag diia, huma aqadkku. Nug ahilagnu ena heum, amge eɗua awa, hatteb nauhkkulag,” awa aum.

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

Jeremaia 16:13

Ag amu heppig, gemu ele hetteb amunu, da ag agappi, ag wan imu uun, ag gona wan laappa, ag, amu ag mamelkad aɗi ele ag wan amu ii dootteb ele, ag amuppa daaglag. Ag gona appa daanna, ag kayak laala amun, tuqan ele waalagppa daan, ag oɗelag dim lamidkkulag. Aɗinu? Da ag nakok laa ii ehanadpa,” ’ ” awa atte.

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.