Duteronomi 4:22 - Nobonob Baibel

²² Da ii nopanu aum amunu, da wan imuppa mauhkkul. Da Jodan le ii mataɗpa. Amge ag am wan aoppeg, ahilag daakkunu Jodan mataɗna wakkulag.

Duteronomi 4:22 Referans Kwoze

Duteronomi 3:25

Na oot meɗan heppe, da Jodan mataɗe, laih wain, wan enanag appa daatte, da amu anidkkulnu oɗ medattem. Da wan enanag amu, am qauko qauko ele, aria, Lebanon wan ele anidlom,” awe ami.

Duteronomi 3:27

Na amu Jodan le ii mataɗmana, amge na neegna, wan anttakib hekkut amunu, na Pisga qauko igippa tena daanna, laih laih ohppa neegppe ukkeb, na wan atu amu oh anidkkut.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Namba 27:13

Na ⌊piɗe appa daanna⌋ anttona amu, na ele na amap Aron mauhom bia mauhkut.

Namba 27:14

Na Aron ele oh, aa Sin atu taɗakppa appa dahil nai tappaeh neum. Haen danab ah ag le moɗ Meriba appa naittuɗ menan heegeg amu, aa da am Yawe oppiaawak daattem, aa da haknunab ami bia Israel ippunadkkulahnu ii hepiɗ. Amuam Sin atu taɗakppa, le moɗ Meriba, Kades guguittak, appa anam beum,” awa aum.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

Namba 31:2

“Midian danab ah ag Israel eheɗ hadappig amunu, na ag bu matte! Amu dimppa na mauhkkut,” awa aum.

Duteronomi 1:37

⌊Dahilnu amu,⌋ Yawe Nug ag beɗulagppa ha, dahilnu ele oo nauhe, ⌊haen amuppa⌋ da amelppa aum. “Na wan amuppa ii nomana!