Duteronomi 4:20 - Nobonob Baibel

²⁰ Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Duteronomi 4:20 Referans Kwoze

1 King 8:51

Aɗinu? Ig Israel, ig am danab ah nahipadnab. Isipnu amu, na ig aigna omaigna, ippa uɗime. Wan amuppa amu, ig eheɗ daamut, uɗat nau hemut.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

Duteronomi 9:29

Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Sam 135:4

Ag Yawe binag mekkulagnu diig am, Nug Jakop buɗub nuhikkud daaglagnu tituanattom. Ao, Nug Israel danab ah ag nuhikkud danab ah, nuhig en okkainab bia daaglagnu tituanattom.

Sam 33:12

Wan atunu danab ah ag ahilag Kayak am Yawe amu, ag itittak ena aoppig daatteb. Ao, danab ah aun aɗi Yawe Nug ag nuhikkudnab daaglagnu tituanattom ele amu, ag itittak ena aoppig daatteb.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Duteronomi 9:26

Da Yawe unuqitte ami. “O Naɗi Yawe, na danab ah nahip imu heppe, padal memananu oɗ medattem. Ag am nahipadnab daatteb. Israel danab ah amu, ag Isip appa begbeg maɗi nid daaegeg, na ag amunu qagaiettakppanu eɗua uhuqak nahip ɠagattag okkaippa heme. Ao, na ebehinppa ehanadna, na Isipnu diin uɗime.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Eksodas 1:13

Isip danab ag anam baɗan, ag Israel danab dilagnu oo doyak ii doon nau hena, uɗat eheɗ, uug elenab mattaeg heegeg,

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Duteronomi 14:2

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Duteronomi 26:18

Yawe Nug gemu, ag am nuhig danab ah, ag nuhikkudnab danab ah daattebnu atte. Nug anam hekkununab nai anan qakkom, amu Nug ag nuhig haknunab anak nai oh dim lamidkkulagoittenu ag amelagppa aum.

Aisaia 30:6

Nai meunab ele Negeb wanppan doɗ dilagnu, Yawe he, Aisaia doyom ele am iikku. Ag ⌊Juda dilag⌋ nai awa ukkak danab, ag en okkai ena ena donki attan mena gotteb. Ge! Ag am en amu kamel attan meeg, mawatteg gotteb. Ag amu henana, ag wan laa, wan amuam wan ɠagattag iitta, wan amuam ag ehanadkkulagnu elele iitta, ag wan amuppa gotteb. Ag appa gokkulagnu gonana, wan ena iittanab, wan danab uug madatte, wan amuppa laion ⌊dawai,⌋ laion anig, amu mat nau digdig ele daatteb amu, ag anam daaegeg ag gotteb.

Aisaia 48:10

Antteg! Danab nug silwa babaitta epeɗia awak daakkunu uɗat hette. Ao, nug he, silwa aab aɗuppa oppiaawak ba daatte, da amubia ahilagppa hemi. Amge da aab aɗuppa ii hemi. Iitta. Ag ena, oppiaawak ele bekkulagnu da uug digdig laa mattami.

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.