Duteronomi 4:15 - Nobonob Baibel

¹⁵ Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!

Duteronomi 4:15 Referans Kwoze

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Jeremaia 17:21

Yawe Nug inam awa atte. “Ag Sabat deɗppa keeke maon, Jerusalem ooppa gokkulagnu uɗin, aɗnu od attenppa tena, aab ooppa gomananu dabmena autna aweg!

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

Josua 23:11

Ag Yawe, ahilag Kayak, ag nuhignu oolag mauhkkunu, ag dabmettan autna aweg!

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Eksodas 19:1

Israel ag Repidimnu ahan, oin oin gona, Sinainu atu taɗakppa tena, Sinai qauko diigppa, ag haen tutu dayaknu aab kalan daappig. Ag Isip uun, kalam aɗit oin, kalam ewam, deɗ digmakppa ag qauko Sinai diigppa teppig.

Eksodas 20:4

Na habppan keeke laa, o wanppan keeke laa, o le ooppan keeke laa anidna, na amu dottog laa da abenalppa mekkutnu aib hoime.

Duteronomi 4:14

Am haen amuppa Yawe Nug da ag ɗo iɗu iɗu, ag Jodan le mataɗna wana, wan ag aon daaglagnu hetteb, amuppa nona daanna, dim lamidkkulagnu da ag ippunadkkulnunab a, da anam hemi.

Duteronomi 5:8

Na habppan keeke laa, o wanppan keeke laa, o le ooppan keeke laa anidna, na amu dottog laa da abenalppa mekkutnu aib hoime.

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.

Duteronomi 9:10

Yawe Nug men maha aɗitppa, nug tituana nai qakkak nai, Yawe Nug qaukoppa aab dittiakppa dayaya mattieye, ag qagmen dooppig ele, Nug nukka nai amu ya, da meɗom.

Duteronomi 10:4

Aakku Yawe Nug baula, nug tituana nai qakkaknu nai amuppa yom. Nug tituanak nai amuam Yawenu ɗo 10. Nug ya mala, da meɗom. Nai yaak amu ag qauko diigppa qagmen daaegeg, Yawe Nug qaukoppa aab dittiak ooppa dayaya, nai mattieye dooppig ele, amuib yom.

1 King 19:12

Amu mim amu na ukke, aab okkai dittiom, amge Yawe Nug aab ewak amuppa ele ii dayom. Aria, aab ewak dimppa oqotti laa, am danab baag ɠagattag iitta, bodoettaknab, nug amu doyom.