Duteronomi 34:9 - Nobonob Baibel

⁹ Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Duteronomi 34:9 Referans Kwoze

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Daniel 6:3

Ewam amu ag laa anam gumadna daaegeg, Yawenu Ouɗi Daniel ehanittette, ewam amu oolagppa Daniel nug enanagnab he, King Darius nug antta, nug Daniel nug ɗo maɗoɗ oh nug gumom ele ⌊king waappa⌋ gumadkkunu maittak awom.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

2 King 2:9

Aa mataɗyaya, Elaiya nug Elisa amegppa inam aum. “Da na uuidkkulnu haen am miag dotte. Yawe Nug geha da awiɗeb gokkul amunu, geha tatam da na ehanidkkulnu amu, da aɗi keeke hekkulnu na oot daatte?” awa aum. Nug anam awa, Elisa oɗ mette, Elisa nug oɗeppa awa, amegppa inam aum. “Nid mamelag nug nuhig keeke oppate, nid ebqak gane daatte, ebqak amubia, amu laippu laa ele ne, nid danab naanaeg nug obatak aɗit aotte, nid laa oh obatak laippu aotteb, amubia na Kayaknu ɠagattag aon, propet uɗat heme, ɠagattag amu na da obatak aɗit meɗakkutnu ool daatte,” awa aum.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Kolosi 2:3

Nuhigppaib doyak dabmak ena ele oh, amu doyak oh ele lokkuma daatte.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Eksodas 31:3

Da nug tituanen, da nug uɗat kobol ele, nug uɗat amu, laa oh ele hekkunu amu, da dahil Ouɗi, ehah, dabmak ena, doyak ena ele mettami.

1 Timoti 5:22

Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Eksodas 28:3

Am danab da ag lamen koitkkulagnu doyak digdig mattami amu, na ag onilagppa ena, amelagppa appe, ag Aronnu lamen, nug mana mettak danab daakkunu otiak daatte, danab ah ippunadkku amu, ag amu heig!

1 Stori 29:23

Ag amu heppig amunu, Solomon nug Israel dilag sia kingppa dayaya, Yawenu danab ah gumadkkunu dayom. Nug mameg Dawit sia king amuppa daye, Solomon nug ou daya, sia king amuppa dayom. Nug king dayaya, kingnu uɗat heehe, keeke oh ena be, Israel oh ag nug oɗe dim lamidppig.