Duteronomi 34:3 - Nobonob Baibel

³ Nug Negeb, amu Jodan oolnu noak ele ippunittom. Jeriko amu Jodan oolnu noakppa daatte. Aab amunu amu, ag Pamnu Aab atteb. Nug wan amu oh ukka, Soar batak ippunittom.

Duteronomi 34:3 Referans Kwoze

2 Stori 28:15

Amu Israel danab okkai ag danab laala ag Juda danab ah amu atognoadkkulagnu am anen anen onilagppa tituanadppig. Ag tituanatteg, danab amu ag Juda danab ah amu diin, en okkai Juda wanppanu aon uɗippig ele amu, ag amuppanu lamen aon, laa lamen iitta madappig. Ag amu hena, ag lamen, baeg gaɗa, ee, le, marasin ele elele daaglagnu oh madappig. Aria, danab o ah aun nug beɗu gai-iitta amu, ag amu dilagnu donki diin, attan maatteg daaegeg, ag eɗun, diin gona, danab ah amu ag lailkad oolagppa Jeriko appa maadppig. Jeriko onig laa am Aab Ad Pam Kuɗum Ele. Israel danab uɗat amu hekkulagnu tituanak daappig ele ag amu hena malona, ag eɗun, Samaria goppig.

Ikki Danab 3:13

Amu bekkunu amu, Moap dilag king Eklon nug Amon dilag okkai, Amalek dilag okkai ele, ag nug ehanidkkulagnu oɗ matte, ag oolag laippu dayom amunu, Eklon, nuhikkud daup, ag ele ag aakku Israel banelag gona, ban hena, Jeriko aoppig.

Ikki Danab 1:16

Am Ken danab ah ag am Moses tana, nug buɗub. Amu haen Israel dilag huu okkai Juda ag Jeriko uun ahaeg amu, Ken danab ag ele ahaeg gona, Judanu atu taɗakppa wappig. Ag Negeb appa, Arat aab guguittak, Juda danab appa wan aon daappig amu, ag ag oolagppa nona daappig.

Genesis 19:22

Amge paha ukkeg! Aɗinu? Ag gona, aab amuppa tena daappeg, da heppi, aab imu oh padal mekkulag. Ag ibppa gobeppeg amu, da uɗat dahil hekkulnu elele iitta,” awa aum. Diig amunu ag aab amu onig Soar ataɗppig.

Genesis 14:2

ag ahan, Sodom dilag king onig Bera, Gomora dilag king onig Birsa, Atma dilag king onig Sinap, Seboim dilag king onig Semeber amu Bela dilag king ele, ag amu oh ele ban hekkulagnu goppig. Bela onig laa am Soar.

Namba 34:3

Amu yau uɗitteppanu tom am, le ameg Mauhak Le laih yau uɗitteppanu digma ukka, Mediterenia yuppa nokku, amge tom nug tutukkunab ii goma. Sin atu taɗak laih am ahilag tom ooppa daakku, amuam Edomnu tom guguittak.

Genesis 14:8

Aria, ag ban amu oh hena malaeg, Sodom dilag king, Gomora dilag king, Atma dilag king, Seboim dilag king, amu Bela, onig laa Soar, amu dilag king ele, ag, ahilkad daup ele ag oolnu noak okkai onig Sidim, ag appa gona, bannu keeke bapaidna daappig.

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.