Duteronomi 34:11 - Nobonob Baibel

¹¹ Yawe Nug Moses, Kayak dabmettaknu kobol danab haknu elele iitta, amu uɗat ɠagattagnab ele, Isip wanppa Paro, amu nuhikkud ikki danab ele, amu danab ah wan amuppan ele dilagppa heeb bekkunu me ukkom amu, Moses nug heum.

Duteronomi 34:11 Referans Kwoze

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Duteronomi 26:8

Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Duteronomi 34:12

Auntai laa, Moses heumbia kobol laala he, Israel danab ah anttegeg, uɗat laala danab antta, ebehi oh bodoetta le mette ele kuɗum danab ah amelagppa iinab heum. Moses nukka, nugib anam heum.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.