Duteronomi 33:9 - Nobonob Baibel

⁹ Lewi buɗub ag nahipnu anuqak dooppig; baelkadppa dilagnu anuqak ii dooppig. Ao, ag nahip haknunab anak dim lamidppig; nahip nug tituana nai qakkak nai ele ii uuppig.

Duteronomi 33:9 Referans Kwoze

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Matyu 12:48

Anam a amu, Jesus Nug oɗeppa awa aum. “Da anil am aun? Da amalad ele am aun aɗi?” awa aum.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Job 37:24

Kayak Nug anam hette, diig amunu danab ag nuhignu ebehilag oh bodoetta le mette. Auntai laa ag akka, ag ahilagnu, ag am danab doyak dabmak ena ele dootteb amu, Nug ag binalag ii mette.” Elihu nug anam mattia aum.

1 Stori 17:17

Anam, amge O Kayak, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Yawe Kayak, na da danab okkainab daalom, na ehaniɗkkutnu helom bia iikku hettem, amge da danab okkainab amubia iitta.

Lewitikas 21:11

Nug ha, Kayak ele ouqa dayaknu elele iitta daamanu, nug mauhak gaɗa laa, nug anig, o mameg gaɗate, amu ele guguitta ii wakkuoitte.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

1 Timoti 5:21

Kayak, Kristus Jesus, amu Kayaknu engel oh ele noolagppa da tutukku na amenppa iikku attem. Na uɗat amu tutukku atogno! Na atognonana, na ameg laa dilagppa nai bodoettak anana, ameg laa dilagppa nai ɠagattag aib mattime; na laanu ena doon, laanu ena iitta doon, aɗi keeke laa aib heme!

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

Sam 119:57

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem! Da nahip ɗo dim lamidkkulnu nai ainne qagattem.