Duteronomi 33:8 - Nobonob Baibel

⁸ Aria, Moses nug amu awowa, nug Israel dilag huu okkai Lewinu imu aum. “O Yawe, Lewi ag nahipnu oo metta ii uuak kobol dim lamidnana hetteb, amu na Urim, Tumim ele ag mattame. Am na Masa appa Lewi buɗub dilagppa ma anttak mettak ahilagppa heme. Ao, Meriba leppa, appa na Lewi buɗub ele mehqak heppig.

Duteronomi 33:8 Referans Kwoze

Eksodas 17:7

Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Eksodas 28:30

Amu na Urim, Tumim ele, Aron nug amuppa nug da, Yawe, nug dahil dabmak attem daatte, nug amu dootte ele amu, na keeke aɗit amu ele ahilah abenppa, momo tonaknu lamenppa daattep amu, na aguppa inatppe dayeɗ! Na anam hekkut amu, haen oh Aron nug da, Yawe, nug da gukkuiɗa uɗiebeb, men aɗit amu, aa nug momoppa, uttu taub nuhig guguittak, nug da, Yawe, dahil dabmak doya, dabmedakkunu aakku daaglah amunu, nug Israel dilagnu aɗi dabmak aokkunu daakku dayeb amu, nug aakku aokku.

Namba 20:13

Kobol imu Meriba appa beum; appa amu Israel ag Yawenu naittuɗ meeg, Nug am oppiaawak daatte ag ippuanattom.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Lewitikas 8:8

Aakku Moses nug momo tonaknu lamen Aron aɗuitte te, nug Urim, Tumim ele diiata, lamen amunu battam ooppa inatom.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Nehemaia 7:65

Ag anam daappig amunu, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

Esra 8:28

Da keeke amu oh ag eppelagppa meinne, da ag amelagppa ami. “Ag, keeke imu oh ele, am Yawenu tituana mettak daatteb. Danab ah ag silwa, gol amu Yawe, Nug ag mamelkad aɗi dilag Kayak, ag Nug keeke amu ɗo hamu mettaknu ofa hena medappig.

Esra 2:63

Ag anam daaeg, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

2 Stori 23:6

Ag wana, anam daappeg, danab laa nug Yawenu mettid lag ooppa ii wama. Iitta. Lewi buɗubppan mana mettak danab, Lewi buɗubppan mana mettak danab iitta ele, ag deɗ amuppa Yawenu mettid lag, amuppa uɗat hekkulagnu daatteb, ag Yawenu tituana mettak daatteb amunu, ag Yawenu mettid lag, amuppa wakkulagnu elele, amge ag danab laa oh, Yawe Nug danab aun nug Lewi buɗub iitta, nug nuhig mettid lag ooppa ii nomanu aum amunu, ag nai amu dim lamidna, dimittim dayeg!

1 Samuel 28:6

Saul nug anam baɗa haaha, geha nug attem hekkunu Yawe oɗ mettom, amge oɗmak amu nob mak amu, Yawe Nug tul niiakppa, o Urim, ⌊Tumim⌋ eleppa, o propet laa oɗeppa oɗmak nob laa ii mettom. Iittanab iitta.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Lewitikas 21:7

Am mana mettak danab ag ib baag ah laa, ah amu nug nuhig hak amuppa amu dahil neekkakppa nug ooppa dubuttid teum daatte ele, amu ag ah amu ii aoglagoitte. Ag ah laa, nuhig ewau matulak awak otaɗak ele amu, ag nug ele ii aoglagoitte. Amunu diig am, mana mettak danab ag Kayaknu oppiaawak ele daatteb.

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Namba 20:24

“Aa oh Meriba appa dahil haknunab nai tappaeh neum amunu Aron, nug wan da Israel madakkulnu hettem ele, nug amuppa ii noma. Nug geha ippa mauhkku.

Duteronomi 6:16

Ag Masa appa, ag Yawe, ahilag Kayak naittuɗ mena, ma anttak medappig bia aib heppig.

Malakai 2:6

Tatam haen, haen amuppa Lewi nug Israel danab ah amelagppa nai doyak diig genabibppanu, da nug anam ippunadkkunu ami ele, nug nai amu ag amelagppa mattiom. Nug hambuppuak nai laa ii mattiom. Nug da ele maɗoɗ ele oiɗa, nug genab tutukku hak kobol ele dim lamittom. Nug he, danab ah kuɗum ag hipunin ii heppig.

Namba 35:8

Israel danab ag Israel dilag huu okkai anen anen dilag wan am, aab okkai gane daatteb, ag amu anidnana, aug wan amu, nuhig aab okkai gane daatteb, melemel amuppa ag huu amunu aab gane Lewi buɗub mattaglag, ag amu dabmekkulag. Israel dilag huu okkai laa nug nuhig wanppa aab okkai kuɗum ele amu, amuppanu ag aab kuɗum mattaglag; laa am nuhig wanppa aab okkai kuɗum iitta ele amu, ag amuppanu kuɗum iitta mattaglag,” awa aum.

Duteronomi 9:22

Ag Tabera, Masa, Kibrot Hatawa ele, appa ele heeg, Yawe oo nauhom.