Duteronomi 33:5 - Nobonob Baibel

⁵ Israel danab ah dilag ikki danab ag qagmeppig. Ao, Israel dilag huu okkai danab ah oh ag ikki danab ele oh qagmeppig. Ag qagmeppig amu, haen amuppa Yawe Nug Israel dilag king beum,” awa aum.

Duteronomi 33:5 Referans Kwoze

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Ikki Danab 17:6

Haen amuppa Israel appa king laa iitta amunu, danab oh ag akka anen anen, ag kobol attem am ena dabmeppig amu, ag anamib heppig.

Ikki Danab 9:2

“Ag Sekem danab ah inam oɗ mattan doyeg! ‘Ag Jerubal, ⌊am Gideon,⌋ ag nug bekkod 70, amu oh ag gumadkkulagnu oolag daattete, o iitta, danab laippuib nug ag gumadkkute?’ Doyeg! Da ag tiilagnab!” awa aum.

Ikki Danab 8:22

Gideon nug keeke amu oh ha male, Israel danab ag amegppa appig. “Na ig ehanigna, Midian danab eppelagppan eɗun awigme amunu, na ihinig gumak danab daakkut! Na, na bekkat, na alan danab, ag oh geha ihinig gumitta danab daaglag,” aon appig.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Eksodas 18:19

Gemu da na uɗat nahip hekkutnu ulum nai laala appi, na doye! Da appi, na Kayak oɗe bia dookkut dayeb amu, na da attem bia hekkut. Na inam helom. Na Kayak noobppa danab ah dilag anuqak danab daanna, na ahilag uug amu aon, Nug amegppa akkut.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Genesis 36:31

King ag Edom dilag king bena daaeg ukke, dimppa Israel ag king aoppig. King amuam inam.

Eksodas 15:18

Yawe, na king hanhan daakkut; laa tuqa iinab aoma!” Moses Israel aɗi ele, ag anam ahi edappig.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.