Duteronomi 33:3 - Nobonob Baibel

³ Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

Duteronomi 33:3 Referans Kwoze

Luk 10:39

Marta nug makkeg amu onig Maria. Jesus Nug lakka te, Maria nug Naɗi gumitta doa, baegppa heɗep na dayaya, Jesus nai mattiom ele amu, nug doyom.

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Prowerb 2:1

O da bekkal, na dahil nai aon autna aokkut dayeb, na dahil haknunab nai aon, ootppanab mekkut dayeb,

Sam 50:5

Nug atte. “Danab ah aun aɗi ag dahilnu tituana meɗak daatteb, ag aun aɗi ag doɗ main meɗaeg, amuppa ag da ele nug tituanta nai qakkat laippu daattem amu, ag dahilppa uɗieg!” awa atte.

Sam 47:4

Nug wan ig daattem ele imu ihinignu, ig aunig daakkunu tituanom. Yo, ig Jakop buɗub, ig nuhikkud danab ah daattem. Nug ihinignu oo mauhtte. Wan imu ig daattemppa amu, ig wan amunu oonig huana hette. Anam amu, wan amunu, Yawe Nug wan amu ig mekkom. Sila.

Sam 31:15

Da na eppenppa daattem. Kekeɗ ag da iuppeg mauhkkulnu hetteb; laa ag da lamiɗna uɗina, da eɗilkkulagnu hetteb amu, da amu oh dilag qagaiettakppa daapanu na ehaniɗkkutnu oɗ medattem.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

Duteronomi 14:2

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

Matyu 23:2

“Ɗo gumak danab-Parasia amu ɗo mehuqak danab ele ag Mosesnu ɗo ag ippunadtteb, Moses nug nuhig haenppa dayaya heum bia

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Eklisiastis 9:1

Da amu oh anidmi amunu, da dabmei ukke ukke, da genab tutukku hak danab, danab doyak dabmak ena ele oh, ahilag hak oh ele Kayak eppegppa daatte anidmi, amge laa nug bau dayak nuhigppa danab ah ag nuhignu oo mauhak dooglag, o iitta ag nuhignu nau ninig ele dooglag amu, nug ii dootte.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.