Duteronomi 33:2 - Nobonob Baibel

² Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Duteronomi 33:2 Referans Kwoze

Revelesen 5:11

Aria, da baula neekke, daul hume, engel tausen kuɗumnab amu milion kuɗumnab ele ag sia king ⌊anuqak⌋, hab daup waɗele Kayaknu bauklel aotteb ele, ikki danab ag ele oo mattan taliliadna daaegeg, baalag doyen anadmi.

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”

Aposel 7:53

Kayaknu ɗo nai amu engel ag madappig, amge ag amu dim ii lamidtteb.” Stiven anam aum.

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

Hibru 12:20

Haen amuppa ag Kayak nai mattom, ag nai amunu baɗan autna aoppig. Nug nai inam aum. “Danab laa nug eppeg bahia qauko imu aɗeb, o doɗ laa nug qauko nakoknab tappeb amu, ag menppa qeppeg mauhaɗ!” awa aum.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

2 Korint 3:9

Aɗinu? Ɗo nai, nuhig uɗat am nug ig epeɗikka, hipuninnu nob nau aognignu atte, amge nug am binag amahlak oppiaawak ele. Anam daatte amunu, nug tituana nai qakkak bau nug he, danab ah ag genab tutukku hak danab bena daatteb amu, amuam binag amahlak oppiaawak naɗinab iittate?

2 Korint 3:7

Kayak Nug ɗo nai amu men mahappa ya otaɗa, Moses eppegppa me awom amu, ɗo nai amu ig oh dim lamidkkunignu am elele iitta. Amunu ɗo nai, nuhig uɗat amu ig ihinig hipuninnu oonig ii eɗuebeb, ig mauhta padal mekkunignu daatte. Amge Kayak Nug ɗo nai amu bekkunu he, nuhig binag amahlak oppiaawak ele ba, Moses iɗuppa amahlele, Israel ag nug iɗuppa neegkkulagnu elele iitta daappig. Moses nug ɗo nai mattia male, dimppa amu Kayaknu amahlak nug iɗuppa amu aakku iitta meum.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Galesia 4:24

Amunu kaya amuppa ig keeke laa anidkkunignu elele. Ah aɗit amu aa nug tituana nai qakkak aɗit ippunigttep. Laa am Sainai qaukoppa ɗo nai Moses nug Kayak eppegppan awom. Nug tituana nai qakkak amu, begbeg maɗi ah Hagar bekkod ɗo waappa begbeg maɗi nid daatteb, am anam ippunigtte.

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Sam 50:2

Sion, nuhig neekkak am qa oppiaawak ele. Kayak Nug Sion appa dayeye, nuhig amahlak appanu aha, aben ohppa ukka amahaltte.

Daniel 4:13

Da abenppa niieye, tuleglegppa keeke digdig anidmi, amu andette, da neekki ukke, da noolppa nai awa ukkak danab laa, nug Kayaknu oppiaawak ele, nug hab attannu neum anidmi.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.