Duteronomi 33:13 - Nobonob Baibel

¹³ Moses nug amu awowa, nug Israel dilag huu okkai Josepnu imu aum. “Da Yawe Nug Josep buɗub inam itadkkunu ool daatte. Nug heeb, habppan le ahilag wanppa elele nekku. Nug heeb, le wan ooppanu qeppuɗia bekku.

Duteronomi 33:13 Referans Kwoze

Maika 5:7

Amu dimppa amu, oɗo yaak danab Jakop buɗubppanu amu, ag danab ah laa oh oolagppa daaglag. Baito Yawe me nette amu, baito amuam danab amelag ii mette. Ao, gu nakok gikkiɗahppa nette, gu amuam laa dilag ameg mak ii hette. ⌊Amubia Jakop buɗub ag Yawenu ehanittak aakkuib dabmekkulag, danab dilag iitta⌋.

Hosea 14:5

Am Yawe Nug ele atte. “Baito habppanu wanppa na, ena ehanidtte, amubia da, Yawe, da Israel danab ah ehanadkkul; da anam heppi, Israel danab ah ag geha lili laa bia, nug haɗag mappata, bala enanag bette, ag amubia daaglag. Israel danab ah ag geha Lebanon appa ad sida laa bia nug diɗiud wan unuqagnab noak ele daatte, ag amubia daaglag.

Aisaia 18:4

Aɗinu? Yawe Nug da amelppa inam atte. “Da geha toette, aam nug ba huan gakkaɗa, nug ihi le ele laippu daattep qe, amemɗiag aotte, o gu hoɗopai hippuɗak nakok na, ee keeke uɗulagppa daatte, da anam toette daakkul. Da anam dayeye, da daattem abenppa dayeye, geha da neegppi ukkeb, da ⌊wan amuppan danab ag aɗi henan daatteb antten, da geha, haenppa dahil uɗat hekkul.⌋” Nug anam atte.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Prowerb 3:20

Yawe Nug nuhig doyakppa he, yu beum daatte; Nug he, baito habppanu nette.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Job 29:19

‘Da ad diɗi leppa noa daatte bia daakkul. Ao, da ad ebekkud, tuqan baito na, tuqan oh leppu ele daatteb, da amubia daakkul.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Genesis 48:9

Nug anam oɗ mette amu, Josep nug aum. “Nid aɗit imuam, da bekkalaɗ. Da ippa Isip wanppa daaiyi, Kayak da meɗom,” awa aum. Anam a amu, Israel nug aum. “Na omalatppe, da gumiɗya dopeɗ, da aa itittak ena matakkul,” awa aum.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

Genesis 27:27

Aisak anam aum amunu, Jakop nug gumitta wa otuqitte, mameg nug lamennu hiuɗi doya, nug itittak ena inam mettom. “Da bekkalnu muttuɗig am Yawe wan itittomnu muttuɗig, amubia.

Genesis 27:39

Nug anam gaye, aria Aisak nug aum. “Aben nahip am wan ittag ena ele iitta. Ao, aben nahip am gu okkai ii aoma.

Namba 1:32

Josep bekoɗ Epraim, Manase elenu amu: Epraim huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Epraim, huu amuppa, danab amu 40,500 daappig.

Duteronomi 33:14

Nug heeb, ee enanag laala, aamppa betteb ele beppeg aoglag. Nug heeb, ag kalam anen anenppa ee meu enaib oppeg aoglag.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Sam 148:7

Keeke oh wanppa daatte amu, ag oh ⌊danab ah Nug binag metteb bia, ag⌋ Yawe binag meig! Keeke amuam inam: yuppanu doɗ okkai okkai, yuppan doɗ laala yu unuqagnab daatteb,