Duteronomi 33:12 - Nobonob Baibel

¹² Moses nug Lewi buɗubnu anam awowa, nug Israel dilag huu okkai Benyamin dilag imu aum. “Yawe, Nug Benyamin danab ah dilagnu oo mauhtte. Ag nuhigppa baɗak iittappa daatteb. Aɗinu? Nug deɗ oh amun tuqan ele ag taliliatta daatte. Ao, Nug ag guittak aomnanu, ag aɗualatta dayaya, tuɗid ele dabmadatte,” awa aum.

Duteronomi 33:12 Referans Kwoze

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Sam 91:4

Ai laa nug nakkud haugppa dabmadatte bia, Nug na atognoidkku. Ao, nahip padal mak eɗitteb ena dayaknu aben Nug haug waappa daakku. Ge, nuhig oo metta ii uuak kobol, amuam nahip guppiɗ, aria nahip wan buue te aɗ itak bia, Nug amubia ele daakku.

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

2 Stori 11:1

Rehoboam nug oola ukka, Jerusalem tewowa, nug Juda dilag ban danab, am Benyamin dilag ban danab ele oh onilagppa e, ag uɗin qagmeppig. Ban danab nug diiom amu, ahilag ebqak am 180,000. Nug ukka, Israel ahilagppa ban ha heeb, ag eɗun nug waappa daaglagnu heum.

1 King 12:21

Solomon bekka Rehoboam nug oola ukka, Jerusalem tewowa, nug Juda dilag ban danab oh, am Israel dilag huu okkai Benyaminnu ban danab ele oh onilagppa e, ag uɗin qagmeppig. Ban danab nug diiom amu, ahilag ebqak am 180,000. Nug ukka Israel, ahilagppa ban ha heeb, ag eɗun nug waappa daaglagnu heum.

Duteronomi 12:10

Ag haen elab iitta, Jodan le mataɗna wana, ag wan Yawe, ahilag Kayak, Nug ag madatte, ag amuppa daaglag. Wan amuam ag aulag daakkunu ag madatte. Yawe Nug ag ehanatteb, ahilkad kekeɗ eɗadna, ag appa aben aon, baɗak iittappa daanna amu,

Sam 132:14

Nug aum. “Aab amuam da aguppa hanhan daakkul. Ao, da aben amuppa daakkulnu ool daatte amunu, da appa daakkul.

Ikki Danab 1:21

Kalep nug ag lamattom, amge Israel dilag huu okkai Benyamin, ag Jebus danab ⌊ag eɗun gona Jerusalem daappig ele⌋ ag amu, ag ii eɗadppig. Benyamin danab ag Jebus danab ii eɗadppig amunu, Jebus danab ag Jerusalem appa, Benyamin danab oolagppa aakku daappig. Ag haen amuppa anam hena daaegeg uɗie, gemu ⌊nai imu yaak haenppa⌋ ele, ag aakku daatteb.

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

Namba 34:21

Kislon bekka Elidat. Nug am Israel dilag huu okkai Benyaminnu.

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Duteronomi 32:11

Yawe Nug am ai igel laa, nag hagagaɗkkunu ippunidtte, amubia heum. Igal nug haen oh nag naqekkunu heebeb aɗa awa, haugppa mekkunu babaitta daatte bia, Yawe Nug Israel danab ah ehanatta, aakku ahilagnu anam heum.

Duteronomi 33:11

O Yawe na Lewi buɗub amu itadna, ahilag uɗatnu ootppa ena dookkunu ool daatte. Ao, na kekeɗ ahilkad hadappe nauhkkulagnu oɗ medattem. Na ahilag kekeɗ ag eɗun ahan ɠagattag daamnanu, na aqappe nauhkkulagnu unuqidttem,” awa aum.

Sam 60:5

Ig, na ihinignu oot mauhtte ele amu, ig kekeɗ eppelagppa ii daamtanu, na nahip ɠagattag okkai amuppa ig ehanigppe qagaiettakppa ii daamtanu oɗ medattem.

1 Samuel 10:20

Samuel nug anam anan, nug he, Israel dilag huu okkai 12 ag anen anen ahan dona, Yawe noobppa daaegeg, Yawe Nug Israel dilag huu okkai Benyamin tituanom.

2 Samuel 12:24

Amu oh ba ukke amu, Dawit nug wau Batseba oo doyak ge iitta doomanu ehanitte, nug ele oh niipiɗ. Aa niiya, dimppa Batseba nug nid menue, aa nug onig Solomon ataɗpiɗ. Amu Yawe Nug Solomonnu oo mauhom.

2 Samuel 12:25

Yawe Nug nid amunu oo mauhom amunu, Nug propet Natan nug ukka, nid onig Jedidia ataɗkkunu me ukkom.

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.