Duteronomi 33:10 - Nobonob Baibel

¹⁰ Lewi buɗub ag nahip oo yaak nai ɗo bia Jakop buɗub ippunadtteb. Yo, ag Israel ɗo nahip ippunadtteb. Ag am kalu danab ile muttuɗig enanag bette ele na noomppa ilatteb. Ao, ag manaknu ofa kunum nahip qaɗabppa manadna medatteb.

Duteronomi 33:10 Referans Kwoze

Sam 51:19

⌊Na anam hekkut amu⌋, ag mana mettak genab tutukku ele hekkulag. Ao, na enanagnab dookkutnu, ag manaknu ofa hekkulag. Ge, ag makau dawai manadna mettaglag.

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Esekiel 43:27

Aria, deɗ eblaih aɗit ele amu iitta meeb, deɗ eblaih ewamppa mana mettak danab ag digmena, qaɗab amuppa Israel dilag mana mettak digdig, laa am manaknu ofa, laa am laippu dayaknu ofa, ag amuppa manan, da meɗaglag. Ag anam heppeg, da ag Israel, da ag diiadkkul.” Naɗi Yawe Nug anam atte.

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Nehemaia 8:18

Ag Pehppa Dayaknu Hobul gamag ahak ele deɗ eblaih aɗit ele daappig, amu deɗ deɗppa Esra nug Kayaknu ɗo nai bukppa yaak niitte amu, nug buk amuppa ebqe dooppig. Ag deɗ eblaih aɗit anam hobul hewona, deɗ eblaih ewamppa, Kayak ɗo mattom bia, ag oh qagmeppig.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

2 Stori 26:18

Ag nug dim lamidna gona, ag nug amegppa appig. “Usia, na hettem imuam tutukku iitta. Kalu danab ile, muttuɗig enanag bettenu uɗat am nahip iitta. Iitta! Am mana mettak danab, Aron buɗub, ag Yawenu tituana mettak daatteb amu, am amu dilag uɗat. Anam amunu na eɗun, Kayaknu mettid lag dimittim gokkutoitte! Na Yawe Kayak ippunittomnu oo metta ii uuak kobol ii dim lamidna, eheɗ iikku heme amunu, Nug na binan ii mettama,” aon appig.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

Namba 16:46

Anam heya amu, Moses, Aron amegppa aum. “Na bras tappiɗ nahip aon, kalu danab ile muttuɗig enanag bette ele amu ooppa inan, qaɗabnu aab ele aon, pahanab Israel danab ah daattebppa gona, eheɗ haknu noob nau amuppa iitta mekkunu na amu he! Aɗinu? Yawe Nug ahilagnu oppoɗi huana be, Nug he, oɗe nau danab kuɗum aqe mauhtteb ele aakku digma, aqe mauhtteb. Laa mauhmananu amu, na amu he!” awa aum.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Lewitikas 1:17

Anam hewowa, nug haug laih laih aɗalata taietteb, ai beɗu pana otaleb, anamib dayaɗ! Anam hewowa, nug qaɗabppa aab attan meeb eokku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:13

Amge ofa mameg nug tatam ooppan keeke, gamag, uɗuag, biig keeke, amu baekkud ele oh amu, nug leppa ihakkuoitte. Amu malak amu, mana mettak danab nug doɗ kunum oh awa, aakku qaɗabppa mana, Yawe medakku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 16:12

Nug qewowa, nug kalu danab ile muttuɗig enanag bettenu tappiɗ gapappa hak awa, amu nug ottag qaɗab Yawe noobppa daatte, amuppa awa ineb ambekku. Aria, nug eppeg aɗit ohppa kalu ile muttuɗig enanag bette amu appua awowa, nug amu, aria kalu ile muttuɗig enanag bettenu tappiɗ ele mawa, Oo Gun Ele, Oo Gunnab Ele makkulaknu lamen, nug amu ooppa, Oo Gunnab Eleppa nokku.

Lewitikas 16:13

Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.

Duteronomi 33:11

O Yawe na Lewi buɗub amu itadna, ahilag uɗatnu ootppa ena dookkunu ool daatte. Ao, na kekeɗ ahilkad hadappe nauhkkulagnu oɗ medattem. Na ahilag kekeɗ ag eɗun ahan ɠagattag daamnanu, na aqappe nauhkkulagnu unuqidttem,” awa aum.

Esra 7:10

Yawe Nug Esra ehanittomnu diig am, Esra nug Yawenu ɗo ippunittak am aokkunu, ɗo amu dim lamidkkunu ele anuqak doyaya oiyom. Nug amunu anuqak doya, Israel danab ah laa, ag Yawenu ɗo naippa ɗo iɗu iɗu aɗi aɗi amuppa daatteb ele ippunadkkunu anuqak ele doya, amu heum.

Duteronomi 27:14

Aria, Lewi buɗub ag Israel danab ah oh dilagnu inam ekkulagoitte:

Hagai 2:11

“Yawe Nukka Ɠagattag Oh Ele Nug inam atte. Na mana mettak danab ɗo naippanu, na imunu ag oɗ madappe, ag doon, nob meppeg doye!

Hagai 2:12

Danab nug doɗ teppu maha laa, teppu amuam Kayaknu tituana mettak daatte amu, nug teppu amu lamen piiakppa aɗa oitte dayeb, lamen piiak amu wana, brette, o lewate, o wainte, o goɗente, o ee laate aɗakku dayeb amu, ee lamen piiak aɗom ele, amuam ele Kayaknu tituana mettak daakkute?” Yawe Nug oɗmak amu he, mana mettak danab ag, “Iitta!” appig.