Duteronomi 32:6 - Nobonob Baibel

⁶ O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Duteronomi 32:6 Referans Kwoze

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Sam 74:2

Ig nahipadnab danab ah daagnignu anukkanab na tituanigme amu, na ig dabmegakkutnu oɗ medattem. Ao, na ig tituanigme, ig huu okkai laa nahipad danab ahnab daagnignu, na ig qagaiettakppanu eɗua uhuqak hena mekkame amu, na ig dabmegakkutnu unuqidttem! Ge, na wan imuppa Sion qauko appa daame amu, na qauko amu dabmekkutnu oɗ medattem.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Jon 8:41

Ag am ag mamelagnu kobol hetteb,” awa aum. Jesus anam a amu ag appig. “Ig aninig nug ib imuagppa danab kuɗum ele ii oiyona menuikkom. Ig mamenig laippu, Kayak aakkuib,” aon appig.

Aisaia 43:7

Da danab laa amu, da ag danab ah dahilad, da onil ahilagppa daatte amu, da danab ah amu ag dahilad danab ah ohnab omaladppeg uɗiglagnu appi dooglag. Da dahilad danab ah dahil hakppa hattami. Da eppelppa ag hattami. Ao, da danab ah dahilad ag genab dahilad daan, dim lamiɗppeppeg, danab ah laa ag anidna dooiɗna, binal mekkulagnu hattami.

Sam 149:2

O Israel danab ah, laa Nug ag hattomnu gamalag ahaɗ! Ao, Sion danab ah, ag Yawe, ahilag king, ag nuhignu gamag ahak naɗinab doyeg!

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Duteronomi 32:18

Israel danab ah ag laa Nug hanhan ɠagattag daatte, Nug ag mamelag beum daatte ele amu, ag nuhignu dup noa binag mak kobol ii heppig. Ao, ah ag nid menuadtteb bia, Kayak Nug he, ag huu laippu beppig daatteb, amge ag nuhignu daulag atiom.

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Duteronomi 1:31

Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Jeremaia 5:21

‘O Juda danab ah, ag dabmak tutukku iittappa oitteb. Ag kaaka oitteb. Ag amelag ele, amge ag aɗi keeke ii anidtteb. Ag daulag ele, amge ag nai ii dootteb,’ ” awa aum.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Sam 116:12

Da aɗitai keeke laa Yawe Nug dahilnu ena heumnu nob ena medakkulnu laa iitta.

Sam 95:6

Yawe Nug am ihinig Kayak amunu, doppeg ig Nug noobppa dup nota binag metu! Ao, ig laa Nug ig heikkom ele, ig Nug noobppa gota, gatenig qaun okkunig. Nug danab ag sipsip elelenab gumadtteb, amubia Nug ig danab ah gumigtte. Ao, ig sipsip gikkiɗah aon latteb, amubia ig ee keeke aottem amu, Nugib ig megatte. Ag gemu Kayak Nug nai inam atte amu, ag daulag human doyeg!

Sam 74:18

O Yawe, kekeɗ ag na aon aon nidappig amu, na amu dabmekkutnu oɗ medattem. Ao, na danab ag na, Kayak, ag nahipnu dabmak tutukku iittappa na onin aon aon qedatteb amu, na amu dabmekkutnu unuqidttem.

Job 10:8

Na eppenppa heiɗna, bau dayak meɗame, akku gemu na eɗun heppe, da nauhen iitta mekkulte?

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Eksodas 4:22

⌊Na uɗat danab haknu elele iitta amu oh hena malappe, Paro nug danab ah ii uuatteb, amu dimppa na Paro amegppa inam appe doyaɗ!⌋ ‘Yawe Nug inam atte. “Israel ag am dahil nid danab tatamnu,

Duteronomi 32:28

Israel danab ah ag am dabmak tutu ele. Ag diignu doyak tutukku ahilagppa ii daatte.

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

Hosea 13:13

Israel danab ah ag am bau daaglagnu ib ele, amge ag ib amuppa ukkaknu ag doyak dabmak ena ele iitta; appa ii oitteb. Aɗinu? Ag am nid yuɗ laa menuaknu daatte, amge nid loabppan dokkunu uua daatte, ag amubia daatteb.

Duteronomi 14:1

Ag am Yawe, ahilag Kayak, ag nuhikkud danab ah daatteb. Am laa nug mauheb amu, ag beɗulag aib otaɗna, o ikkilag uɗug laa hetteb bia laih laih aib hoippig.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.