Duteronomi 32:41 - Nobonob Baibel

⁴¹ Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.

Duteronomi 32:41 Referans Kwoze

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Aisaia 27:1

Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Sam 7:12

Danab laa nug oo ii eɗutte amu, Kayak Nug king laa nug qep elab aeg hoia, laa nug oɗe ii dim lamidtteb ele bu madatte, amubia Kayak Nug danab Nug oɗe dim lamittak ii hette ele bu medatte. O nug king lat oɗ omana, nug wan laa ag nai nug atte ii dim lamidttebnu bu madatte, Nug bu amubia medatte.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Rom 1:30

layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Mak 1:2

Anukka Kayak Nug ⌊Nug bekka Jesus amegppa alo amubia Nug⌋ propet laa onig Aisaia amegppa a, Aisaia nug nai awa yom amu, Nai Ena amu anam digmeum. Aisaia nug inam yom. “Antte! Da heppi, dahil nai awa ukkak danab laa nug anuqa ukka, nahip ib bappaidkku.

Sepanaia 2:12

Yawe Nug atte. “Ag Kus daatteb amu, da ag dahil qep elabppa bu madakkul,” awa atte.

Esekiel 21:20

Na at amuppa Babilon dilag king inam ippunidkkut. Nug ib laa awa gokku dayeb amu, nug Amon dilag aab okkai Raba, nug appa ukkeb, Amon ele ban hekkulag. O iitta, nug ib laa awa gokku dayeb amu, nug ukkeb, Juda wan, amu Jerusalem ele ban hekkulag. Jerusalem am aab ɠagattag aɗ ele.

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Aisaia 66:6

Doyeg! Aab okkai Jerusalemnu oqotti okkai ahatte. Yawenu mettid lagppanu oqotti okkai uɗitte. Am aɗi oqotti? Oqotti amuam Yawe Nug nuhig kekeɗ ag eheɗ heppignu bu elele aakku madatte.

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Aisaia 1:24

Jerusalem, nahipad ikki danab ag anam hetteb amunu, Naɗi, Nug Yawe Nukka Ɠagattag Oh Ele, Nug Israel dilag Kayak Ɠagattag Okkai Ele, Nug ahilagnu inam atte. “Da geha dahilad kekeɗ bu eheɗ madakkul. Da geha ag eheɗ heppignu nob tutukku madakkul.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Duteronomi 5:9

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.

Sam 31:23

Ag danab ah ag Yawenu oo metta ii uuak kobol dim lamidtteb ele, ag nuhignu oolag mauhaɗ! Yawe Nug aun aɗi ag nuhignu oo metta ii uuak kobol ii uutteb ele, Nug ag ehanatte, ag ena daan oitteb, amge Nug dada danab ah nob nau ag madatte.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Jeremaia 50:28

Babilon dilag uug awak haen digma beebeb, Israel danab ah laa ag Babilonnu ahan, eɗun oolna Israel wanppa gona, Sion appa ag Yawe, Nug ig Israel, ihinig Kayak, ag Nug Babilon dilag daup anukka nug laug heeg nauhom, gemu Nug kobol nau amu heppignu nob aakku mattomnu madippeg doyeg!

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Duteronomi 7:10

Amge laa ag nau ninig ele nuhignu dootteb amu, Nug pahanab ag bu madatte. Ao, Nug laa ag nau ninig ele nuhignu dootteb amu, Nug paha heeb, ag nauhkkulag.

Sam 7:13

Am king nug kekeɗnu daup aqadkkunu bannu keeke babaitta malom, amubia Kayak Nug danab ah kobol nau hetteb bu madakkunu babaitta daatte. Ao, king nug nuhikkud daup ag lat doɗo amotadppeg eoppeppeg, ewadppeg gona, kekeɗnu lag ɠagattag, aɗ keeke adppa hak amuppa manadkkulagnu bappalattom daatteb, amubia Kayak Nug danab ah kobol nau hetteb bu madakkunu babaitta daatte.

Sam 149:9

ag Yawe Nug hekkulagnu aum bia, ag wan laappan danab ah bu anam mattaglagnu, ⌊ag anam heig⌋! Ag anam hena, amuppa ag, ag am danab ah ag Kayaknu oo metta ii uuak kobol dim lamidtteb ele, ag binag amahlak oppiaawak ele aoglag. Ag Yawe binag meig!

Jeremaia 50:18

Anam amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Da Babilon dilag king, nuhig wan ele bu medakkul. Da Asiria dilag king bu mettami, amubia da Babilon dilag king bu medakkul.

Esekiel 25:14

Da amu hein, Edom danab ah nob matten, bu madakkulnu amu da heppi, dahilad danab, Israel, ag gona hekkulag. Israel ag dahil oppoɗi bak, dahil oo nauhak ele da attem hekkulnu ippuniɗttep amu, ag amubia Edom dilagppa hekkulag. Edom ag da eppelppa nob nau amu aoglag.” Naɗi Yawe nug anam atte.

Esekiel 32:10

Da heppi, na nahipad daup ele ag nena qeppeg, wan laalappan danab kuɗumnab ag amu doon, dabmak huanak aoglag. Ao, da heppi, na nahipad daup ele ag nena qeppeg, hak dahil amuppa wan laalappan danab dilag king ag amu doon, ag anidna, ameg iɗuak dooglag. Da heppi, na nahipad ele nauhkkulag, deɗ amuppa da qep elab dahil wan laalappan danab miagib ippunadppi, ag mauhmananu baɗappeg, beɗulag hahaɗkku,” awa atte.