Duteronomi 32:40 - Nobonob Baibel

⁴⁰ Aɗinu? Gemu amu, da eppel humai, habppa te, da attem. ‘Da genab bau hanhan daattem, genab amubia, nai imu am genab.

Duteronomi 32:40 Referans Kwoze

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Revelesen 4:9

Hab daup waɗele Kayaknu bauklel aotteb ele, ag Kayak, sia king ⌊anuqak,⌋ appa daatte, Nug ele hanhan bau daatte, ag Nug binag, amu binag amahlak oppiaawak ele menana, “Ena heme,” aon aegeg,

Revelesen 4:10

ikki danab 24 amu ag laa, Nug sia king ⌊anuqak,⌋ appa daatte, Nug hanhan bau daatte ele amu, ag Nug noobppa gatelag qaun ona, Nug noobppa dup nona binag mena, ag anen anen ag ahilkad haɗ ag ikkilkadppanu aon, sia king ⌊anuqak⌋ guguittak maadna daaegeg, ikki danab ag inam atteb.

Genesis 21:33

Aa ukkaeh, Abraham nug Berseba appa ad tamarisk eppom, amu nug amuppa Yawe, Nug Kayak hanhan daatte amu, nug Nug noobppa dup noa binag meum.

Namba 14:21

Da uhuqe madattem, amge da genab bau daattem, binag amahlak oppiaawak ele dahil ele genab wanppa ambak daatte amu, genab amubia

Sam 144:8

Dahil kekeɗ ag nai hambuppuak tuɗid ele maditteb. Ao, ag eppelag humana, ag nai tutukku mattiglagnu atteb, amge ag hambubutteb.

Sam 144:11

Na ehaniɗppe, da padal mepanu oɗ medattem. Ao, na ehaniɗppe, da kekeɗ eppelagppa ii daapanu unuqidttem. Ag tuɗid ele nai hambubutteb. Ao, ag eppelag humana, ag nai tutukku akkulag atteb, amge ag hambubutteb.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Esekiel 20:5

Na ippunadna, na inam appe doyeg!” awa aum. Nug anam ana, Nug da ag amelagppa inam akkulnu tuɗitta aum. “Naɗi Yawe Nug inam atte. ‘Haen da Israel danab ah ag dahilad daaglagnu tituanadmi amu, haen amuppa da eppel humen, dahil nai ɠagattag qetten, da ag amelagppa, “Da am Yawe, da ahilag Kayak daattem,” ami. Ag Isip daaegeg, da amu ain, da diil ele ag ippunadmi.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Esekiel 21:4

Da heppi, dahil qep elab am genab tutukku hak danab, nau hak danab ele aqeebeb mauhkkulag amunu, tom yau uɗitteppanu ukka, tom yawalti uɗitteppanu batak danab ah ag qep elabppa mauhkkulag.

Esekiel 21:5

Da anam heppi, danab ah oh ag da Yawe, da qep elab dahil nuhig abenppanu eeɗen aomi dooglag. Qep amunu amu, nuhig uɗat ii malak haenppa nug eɗua, nuhig gaɗappa ukka, hamu ii daama,’ awe attem.

2 Samuel 22:47

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ao, Kayak, kekeɗ nikkamanu ehanittak ihinig daatte, Nug da padal ii mepanu ehanittak dahil daatte. Heppeg danab ah ag Nug binag meig!

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.