Duteronomi 32:39 - Nobonob Baibel

³⁹ Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Duteronomi 32:39 Referans Kwoze

1 Samuel 2:6

Yawe Nug he, danab ag mauhtteb; Nug he, danab mauhppig ele amu, ag eɗun hippaidtteb. Ao, Nug he, danab ag moɗppa niitteb; Nug he, danab mauhppig ele amu ag hippaidna oitteb.

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Aisaia 45:5

Da dakka aakkuib am Yawe! Kayak laa ii daatte. Na da ii dooiɗttem, amge da heppi, na ɠagattag daakkut.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Aisaia 46:4

Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Sam 68:20

Kayak ihinig, Nug am Kayak, ig padal makppanu eɗua awigtte ele! Ao, Naɗi Yawe Nug ig ehanikke, ig ii mauhttem.

Aisaia 41:4

Aun nug digmak haenppanu uɗie, gemu ele danab ah aun aɗi laa ag dokkulagnu, ag aɗi hekkulagnu ib ag madatte bia, nug okkai imu nug doa, uɗat amu oh hekkunu he hette? Aun nug amu oh gumaama daatte? Am da, Yawe. Da digmak haenppa daami. Da haen gog tekku ele, da amuppa daakkul,” awa aum.

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Duteronomi 4:35

Ag Yawe, Nugib am Kayak, kayak laa ii daatte, ag amu dooglagnu Nug keeke amu ippuanatta he anidppig.

2 King 5:7

Israel dilag king nug uɗug amu ebqewowa, nug oo uug dayom. Nug oo uug dayeye, nug nuhig lamen elab aɗa pattiɗa, nug aum. “Da am Kayakte? Da heppi, danab mauheb, heppi, nug eɗua, bau ena daakkunu elelete? Da doottem, Aram dilag king nug banel uɗia, iweb mauhkkulnu ib mattiaya, danab imu gaɗa oɗe nau ele dahilppa me uɗiom, aakkuib,” awa aum.

Sam 102:27

Amge O Yawe, na amu, na ii baolittem. Ele amu, nahip dayak am ii iitta mette.

Job 10:7

Na da beɗulppa aab laa ii daatte doottem. Ao, na ele auntai laa nug da ehaniɗa, na eppenppanu awiɗkkunu elele iitta doottem.

Revelesen 2:8

Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Aisaia 48:12

Amu Yawe Nug atte. “Ag Jakop buɗub, ag dahil nai doyeg! Ao, ag Israel danab ah, da ag onilagppa emi ele amu, ag doyeg! Da dakka am Kayak. Da hanhan daattem; anuqakppa, batakppa ele da daattem.

Jon 8:24

Diig amunu da ag amelagppa tatam ami. ‘Ag hipunin ahilag amu ag tonadppeg mauhkkulag.’ Am genab, ag da am Kayak Bekka oolagppa genab ii dooglag dayeb amu, ahilag hipunin genab tonadppeg mauhkkulag,” awa aum.

Hibru 1:12

Geha na danab lamen elab mapitteb bia hatakkut. Amu geha na danab lamen baolin, laa metteb bia hatakkut, amge na amu, na ii baolittem. Ele amu, nahip dayak am ii iitta mette.”

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Eksodas 4:7

Anam dayeye, am Yawe Nug baula aum. “Na eppen baula meppe, saket ooppa noaɗ!” awa aum. Yawe Nug anam a, aria Moses nug anam ha, haen nug eppeg eɗua awe amu, eppeg am ena, beɗu laa oh daatte bia dayom.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Duteronomi 32:12

Yawe Nug nukka aakkuib ag omalattatta, dabmattom. Ao, danab laa dilag kayak laa ag oolagppa ii dayom.

Sam 18:31

Yawe Nug anam daatte amunu, Nugib Kayak daatte. Kayak laa ii daatte. Ao, ihinig Kayak Nugib am kekeɗ nikkamanu ehanittak ihinig daatte. Laa nug amubia ii daatte.

Sam 51:8

Na hipunin dahil uhuqna meɗappe, diig amunu da baula gamag ahak okkai dookkulnu oɗ medattem. Ao, na da bu iume, amge gemu na heppe, da gamag ahak dookkulnu unuqidttem.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Aisaia 19:22

Yawe Nug heeb, geha oɗe nau danab kuɗum aqe mauhtteb ele Isip danab ah aqakku, amge Nug anam hewowa, Nug heeb, ag eɗun ena daaglag. Ag oolag eɗueb, ag eɗun, Nug waappa daappeg, nug ahilag unuqittak doya heeb, ag eɗun ena daaglag.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Esekiel 37:3

Keeke amu oh da antte malai, Yawe Nug da oɗ meɗom. “Danab bekka, ebehilkad amu ag eɗun, bauklel daaglagnu elelete?” awa oɗ meɗom. Nug anam oɗ meɗe, da oɗeppa awen ami. “O Naɗi Yawe, na nakka keeke amu doottem,” awe ami.

Esekiel 37:12

Ag anam atteb amunu, na dimppa aɗi bekkunu nai imu Israel amelagppa appe doyeg! ‘Naɗi Yawe Nug atte. O dahilad danab, laa mauha, moɗppa niitte, amubia ag am wan laappa mauhakbia daatteb, amge da mauhak laa moɗppanu humai, eɗua bau aha oitte bia, da ag ehanadppi, ag eɗun, ag Israel wan, ag appalag diig, ag appa gona, bau ena daaglag.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 10:13

Na anam heme, amge dabmak imuam na ootppa lokkumak dayom. Ao, da nahip dabmakppa, na dabmak imu aɗan daame doottem.

Sam 102:28

Nahipad maɗi nid bekkalkad aɗelkad ele ag geha na noomppa ɠagattag daaglag. Ao, ag buɗulkad amu, ag geha na noomppa hanhan daaglag,” awe ami.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Aisaia 43:12

Da, Yawe, da ag Israel, ag padal memananu ehanadkulnu ami. Da anam awoya, da amu hemi. Kayak hambuppuak atu laihnu anam ii heum. Ag Israel, ag, ‘Da am Kayak,’ ag amu anidna malappig amunu, ag laa amelagppa amunu mattiglagnu danab ah dahilad daatteb.

Hosea 5:14

Aɗinu? Da laion laa bia Israel danab oolagppa daakkul. Ao, da laion bau bia Juda danab oolagppa daakkul. Da laion nug doɗ awa kattiɗe, huppu naunau nette, amubia geha da Israel, Juda ele kattiɗatppi, naunau nepeɗ, da anam uuatppi daaglah. Ao, da laion ɠagattagnab nug doɗ laa qewowa, lakkunu mawa gotte, da amubia heppi, laa ehanatkkunu laa ii daama.