Duteronomi 32:36 - Nobonob Baibel

³⁶ Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Duteronomi 32:36 Referans Kwoze

Sam 135:14

Aɗinu anam daakku? Yawe Nug heeb, laa ag nuhig danab daatteb ele, ag nuhikkud daatteb dooglag. Ao, Nug ahilagnu oo bodoetta le mekku.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

2 King 14:26

Yawe Nug amu heumnu diig am, Nug Israel dilag kekeɗ ag Israel danab ah oh uug okkai mattan heeg, eheɗ daaegeg ele anattom. Amu danab laa ag ehanadkkunu laa ii dayom, iitta.

1 King 14:10

Anam amunu, da genab geha Jeroboamnu huuppan nid danab bau ukka danab kaino ele Israel oolagppa beppig daatteb amu uug naunab madakkul. Am geha da heppi, Jeroboamnu huuppan nid danab bau ukka danab kaino ele ohnab, laa nug begbeg maɗi nidte, o begbeg maɗi nid iittate, ag Israel danab ah oh oolagppanu iitta mekkulag. Da aab kinipan ewewe huppu nakok laa ii daatte, da nuhig, amu nuhigppan nid danab ele heppi, anam bia bekku.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.

Hibru 10:30

Aɗinu am anam daakku? Ig Kayak Nug inam aum doottem. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul,” awa aum. Amu Nug nai inam ele aum. “Naɗi Nug nuhikkud danab ah epeɗiadkku,” awa aum.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Sam 50:4

Kayak Nug nuhikkud danab ah epeɗiadkkunu, Nug hab, wan ele aa uɗiya, aa laa aɗi heehe anttomnu mattiak danab daayya, anidpiɗnu akkulahnu onilahppa ette.

Sam 7:8

Yawe, na ⌊nai doya mala hettoɗia epeɗia elele mettak kobol dim lamidnana,⌋ wanppan danab ah oh ⌊ib amuppa⌋ epeɗiadkkutnu oɗ medattem. O Yawe, da am genab tutukku hak dim lamitten oittem, na amu anidna, na ⌊nai doya mala hettoɗia epeɗia elele mettak kobol dim lamidna, ib amuppa⌋ da epeɗilkkutnu oɗ medattem. Ao, da kobol tutukku hemi, amu O Kayak Attannab Laa Oh Eɗattak, na amu anidna, na ⌊nai doya mala hettoɗia epeɗia elele mettak kobol dim lamidna,⌋ epeɗilkkutnu unuqidttem.

2 King 9:8

Ahap baekkudppan oh am mauhadkkulag. Da heppi, Ahapnu huuppan nid danab bau ukka danab kaino ele Israel oolagppa beppig daatteb amu, laa begbeg maɗi nidte, o begbeg maɗi nid iittate, ag oh iitta mekkulag.

1 King 21:21

Amu Yawe Nug atte. ‘Antte! Da geha heppi, na, nahip huuppan nid danab bau ukka danab kaino ele Israel oolagppa beppig daatteb amu, laa nug begbeg maɗi nidte, o begbeg maɗi nid iittate amu, ag oh iitta mekkulag.

Lewitikas 26:43

Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Jeremaia 42:10

‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

Joel 2:18

Ag anam heppeg, Yawe Nug wan nuhignu, dahil doya laa aomanu doyak aɗa daya, Nug nuhikkud danab ah dilagnu oo gai-iitta doya oo matta ehanadkku.