Duteronomi 32:26 - Nobonob Baibel

²⁶ Da ag matatuadppi, ag tamtam gona daalob. Ao, da heppi, ag iitta mena autna aoppeg, hab waappa amu, danab laa nug ahilagnu baula dab-ii-melo.

Duteronomi 32:26 Referans Kwoze

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Sam 34:16

Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Duteronomi 28:37

Anam beeb amu, wanppan wan laalappanu danab ah, Yawe Nug lamatte, ag goppig, ag oolagppa daatteb ele amu, laa amu ag kobol ahilagppa bekku amu anidppeg, ag ameg iɗuak doon, ahilagnu, “Keeke hamunab,” ele doon, imadkkulag.

Duteronomi 28:25

Yawe Nug heeb, ahilkad kekeɗ ag eɗadkkulag. Am ag kekeɗ ahilkad, ag ib laippu amuppaib banelag gona, aqaknu ban hekkulag, amge ag ib kuɗumppa ahilag kekeɗ noolagppanu oolna gokkulag! Ahilagnu amu, wan atu ohppan danab ah ag, ag anadna, amelag iɗuak dooglag.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Lewitikas 26:38

Ag am wan laalappa diia ukka laih me dayak danab ah daan, ag appa mauhkkulag. Ag geha ahilkad kekeɗ dilag wanppa mauhkulag.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Duteronomi 9:14

Ag anam daatteb amunu, da geha heppi, danab ah imu ag iitta mena autna aoppeg, hab waappa amu, danab laa nug baula imu dilagnu dab-ii-memanu, na uuppe, da hei! Da anam hein, da heppi, na buɗunppan danab kuɗum daan, ag ɠagattag okkai ele daaglag. Na buɗunad ag danab ah imu gemu daatteb dilag ebqak eɗadna, ɠagattagnab, gemu daatteb dilag ɠagattag eɗattak daaglag,” awa aum.

Aisaia 48:11

Amu da diilnu dabmak anuqak awewe, da ag qagaiettakppanu eɗuen diiadkkul. Ge! Da, da diilnu dabmak anuqak awewe, da ag qagaiettakppanu eɗuen diiadkkul. Aɗinu? Da laa uuidppi, nug heeb, laa ag da onilnu, ‘Am keeke hamu,’ dooglagnu elele iitta. Ao, da laa uuidppi, nug dahil binag amahlak oppiaawak ele awa, nug onigppa qataqekkunu iinab hepa.” Yawe Nug anam awa atte.

Eksodas 32:12

Am na ag anam hadappe, geha Isip ag, ‘Yawe Nug danab ah nuhikkud dilag dabmak eheɗ awa, Nug ag Isipnu diia, omalatte uɗieg, atu qauko imuppa eheɗ naunab hadatta, Nug ag oh aqeeb mauhna, padal mena autna aon, wanppa baula ii daamnanu diia uɗiom,’ aon akkulag, amge amuam uug ele! Ena iitta! Amu O Yawe, na amu hemananu oɗ medattem. Na oo nauhak huanaknab nahip amu, na uun aɗappe, nob maknu dabmak nahip eɗueb, na heppe, danab ah nahipad ag padal ii menananu oɗ medattem.

Sam 34:17

Yawe Nug genab tutukku hak danab ah, Nug ag ehanadkkunu unuqidtteb amu, Nug ahilag unuqittak dootte. Ge, Nug ag ehanatte, qagaiettakppa ii daatteb.