Duteronomi 32:22 - Nobonob Baibel

²² Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Duteronomi 32:22 Referans Kwoze

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Jeremaia 15:14

Ag hipunin hetteb amunu, da ool nauhtte, oo nauhak dahil amuam aab huana ewewe, danab qauhkkunu elele iitta, amubia daatte amunu, da heppi, kekeɗ ag uɗin, diiadna gona heppeg, ag wan laappa, ag wan amu ii dootteb ele, ag wan amuppa ahilkad begbeg maɗi nid daaglag,” awa aum.

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Jeremaia 17:4

Ag beɗulagppa ag wan ahilag, da wan amu ag aulag daakkunu ag mattami amu, ag beɗulagppa ag wan amuppa ii daamna. Ag hipunin anam heeg, oo nauhak dahil am aab huana ewewe, laa qauhkkunu elele iitta bia daatte amunu, da heppi, ag kekeɗ waalagpa, ahilag begbeg maɗi nid daan, ag wan laappa, ag amu ii dootteb ele, ag aguppa anam daan oiglag,” awa atte.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 18:9

Amubia na amen nug he, na hipunin hettem dayeb, na amen laih kehan, maoppe ukkaɗ! Na amen laihigib ele daanna, na bauklel aokkut amuam ena. Amge na amen aɗit oh ele daakkut, ag na mawidppeg, padal mak aben aab aɗ eleppa gokkut, amuam ena iitta,” awa aum.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.

Gayak Nai 2:3

Yawe Nug ⌊Juda dilag hipuninnu⌋ oo nauhak huanaknab doyom amunu, Nug Israel dilag ɠagattag ohnab he, iitta meum. Kekeɗ ag uɗiegeg, Nug nuhig ɠagattag Juda ehanadkkunu lokkumom. Ao, Nug aab aɗu keeke oh ewewe, iitta mette bia, Nug Jakop buɗub oolagppa anam he, ag nauhppig.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Aisaia 54:10

Aɗinu? Qauko okkai ag uɗalkulagtai; qauko nakok ag daattebppanu ahan gona, laih daaglagtai, amge dahil oo mauhaknab, da ag Juda ahilagnu doottem amu, oo mauhaknab amuam ii iitta mema. Ao, qauko okkai, qauko nakok ele ag anam hekkulagtai, amge da ag Juda, ⌊ag dahil nai dim lamidkkulag dayeb,⌋ da maɗoɗ madakkulnu ag ele nug tituanen nai qakkami amu, da nai amu tuqe ii aopa.” Yawe, Nug ag Juda, ahilagnu oo bodoetta le mak dootte ele, Nug anam atte.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Aisaia 24:6

Ag anam heppig amunu, eheɗ laa awaknu anak waappa dayaknu nai wan imu tone, wan aakku nauhtte. Danab ah ameg naɗi oh ag ahilag eheɗ haknu nob nau maoglagoitte. Ao, diig amunu wan imuppan danab ah oh ag aab keeke ewe iitta mette bia padal mena, danab ah ameg nakokib daaglag

Sam 144:5

O Yawe, ⌊ig haen tutuib bau daattem. Anam amu,⌋ na hab matulna, nekkutnu oɗ medattem. Ge! Na aab kah qaukoppanu bekkunu nena, na qauko aɗualadkkutnu unuqidttem.

Sam 97:3

Aab ewak naɗi Nug noob awa, anuqa ugakka, nuhikkud kekeɗ talilittak daatteb amu ewadtte.

Sam 83:14

Dubuppa aab laippun huan dittieye, ad eotteb, ao, aab pahanab qauko heqo oh ewa gotte,

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 21:9

Yawe, na nahip kekeɗ gukkualadna gona, na ag aab gakkaɗaknab laa ad he nauhtte bia hadappe nauhkkulag. Ao, Yawe, na ahilagnu oppoɗin beeb, na ad aab ewe nauhtte bia ag hadappe nauhkkulag.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Lewitikas 26:20

Ahilag uɗat oh am hamu; ahilag wan heeb, ee meu ii oma, ad ele meu ii oma.

Namba 16:33

Ag bau daanna, ahilkad keeke mameg meppig, amu oh ele moɗ ooppa nona wappig. Ag moɗ ooppa noeg amu, wan oɗe eɗua keldoa, ag tonatte, ag mauhna, Israel danab ah oolagppa baula ii daappig.

Esekiel 38:19

Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.

Amos 7:4

Naɗi Yawe amu ana, nug tuleglegppa keeke laa ippuniɗom. Tuleglegppa Nug danab ah bu matta he, wanppa aab ewak dayaya he, wanppan keeke oh nauhe, yu ele qaɗaiettom.

Gayak Nai 2:2

Naɗi Nug oo gai-iitta doya oo metta ehanittak kobol ii dabmaama, Juda danab ah ii ehanattom; iitta, Nug he, kekeɗ ag uɗin, Juda danab ah, ahilkad keeke ele danab ee toppua ukke nauhtte bia hatteg nauhppig. Yawe Nug ⌊Juda dilag eheɗ haknu oppoɗi be⌋ he, kekeɗ ag Juda dilag ban haknu aben ɠagattag heeg nauhppig. Ao, Nug he, kekeɗ ag heeg, Juda uɗa nak aoeg, ahilag ɗo maɗoɗ am binag ele iinab daye, Juda dilag anuqak danab ele ag anamib, binalag ele iinab daatteb.

Gayak Nai 2:4

Yawe Nug kekeɗ lat omana daatte bia daye; Nug eppeg naɗiap lat doɗo ekkunu babaittak dayom. Kekeɗ ag danab aqaeg mauhtteb; amubia Nug laa, ag lailkad dilag neekkakppa enanag daappig amu, Nug aqe mauhppig. Nug Juda danab ah, Nug ahilag eheɗ haknu oppoɗi be; Nug bu eheɗ ag mattom.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Esekiel 22:21

Ge, da Jerusalem appa qagmaadppi daappeg, ahilag eheɗ haknu da oppoɗi bak huanak doottem amunu, da danab nug aab huan eokkunu iwale, silwa keeke le mette, amubia da heppi, appa ag bu eheɗ nau aoglag.

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.