Duteronomi 32:19 - Nobonob Baibel

¹⁹ Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Duteronomi 32:19 Referans Kwoze

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Sam 5:4

Amu O Kayak, na danab ag nau hetteb ele, na nau hak amunu na ootppa ena ii doottem. Danab ah ag nau hak danab daatteb, ag na ele daaglagnu elele iitta.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Revelesen 3:16

Amge iitta, na dabmak dahil daatte bianab ii henana, gamagmag daattem amunu, da na bu okkai medakkulnu miag doottem.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Gayak Nai 2:6

⌊Kekeɗ ag⌋ dad heeg nauhtte, amubia Nug he, Nug laug nauhaknab daatte. Ao, Nug he, danab ah Nug noobppa qagmekkulagnu lag, lag amuam nauhom daatte. Yawe Nug he, Juda danab ah ag Sion tena, hobul dayaknu haen epeɗiak, Sabat ele dabmekkulagnu amu, ag amu hekkulagnu elele iitta. ⌊Juda danab ah ag hipunin heppig amunu,⌋ Yawe oo nauhak huanaknab doya; Nug king, mana mettak danab ele geɗattom.

Jeremaia 11:15

Yawe Nug da amelppa anam awowa, Nug da Juda danab ah amelagppa inam akkulnu aum. “Da ag tituanadmi, amge ag dahil mettid lagppa doɗ main, meɗaglagnu daanna, ag kuɗum qagmena, eheɗ hekkulagnu lokkumakppa dabmenana maittak eheɗ aotteb. Aɗinu ag da laulppa anam henan daatteb? Ag doɗ dahilnu tituana meɗak daatteb, ag amu main meɗanna, amuppa ag eheɗ hettebnu bu ib amuppa eɗidkkulagnu elelete? Iitta! Ag ib amuppa bu ii aolob, ag oolag gamag ahalo, amge iitta,” awa aum.

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Lewitikas 26:11

Da geha ag oolagppa dayeye, ahilagnu nau ii doopa.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Sam 89:38

⌊O Kayak, na Dawitnu anam ame, amge gemu⌋ na laa nug king daakkunu goɗen gokkaɗakppa tituanak daatte amu, ⌊nug hipunin he,⌋ na nug uume. Na nug dimettame. Na nuhignu oot nauhom.

Jeremaia 40:2

Amu Nebusaradan, nug daup ag Nebukatnesar gumappig dilag okkai amu, nug Jeremaia antta, nug amegppa aum. “Yawe, Nug nahip Kayak amu, Nug uug naunab imu aben imuppa bekkunu aum.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.