Duteronomi 32:17 - Nobonob Baibel

¹⁷ Ag doɗ manadna, ouɗi nau madappig; ouɗi nau amu ag kayak iitta. Ag doɗ manadna, kayak ag ii doyadppig madappig. Kayak amu ag gemuib doyadppig, anukka ag kayak amu ii doyadppig. Kayak amuam ag mamelkad aɗi ii doyadppig.

Duteronomi 32:17 Referans Kwoze

Ikki Danab 5:8

Israel ag Yawe dim lamidkkulagnu uun, kayak hambuppuak laala dim lamadkkulagnu heeg, kekeɗ ag uɗin, ban hekkulagnu daappig. Ag uɗippig, amge ig ihinkad ban danab 40,000 oolagppa, guppiɗ, o ban laa anidkkunignu elele iitta!

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Lewitikas 17:7

Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

1 Timoti 4:1

Kayak Ouɗi Nug miag ippunigtte, haen gamag imuppa danab laala ag oolagppa genab doyak uuna, ag ouɗi hambuppuak dilag nai, amu ouɗi nau dilag nai ele dim lamidkkulag.

Aisaia 44:8

O danab ah dahilad, ag aib ebehilag hahaɗeb baɗappig. Anukka da ⌊aɗi keeke bekkunu dayom amu,⌋ da amunu mattii, ag iite dooppig? Da ag amelagppa amunu iite ami? Ag am dahilad laa aɗi heehe anttomnu mattiak danab ah daatteb. Da aakkuib am Kayak, ahilag ehanittak, daattem. Da laa anam daattenu ii doottem,” awa atte.

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Jeremaia 44:3

Juda danab ah ag eheɗ hak heppig amunu, aab amu ag anam daatteb. Juda danab ah ag kalu danab ile muttuɗig enanag bette main, kayak hambuppuak mattanna, ag kayak laala, ag, amu ag mamelkad aɗi ele kayak amu ii dooppig, ag kayak amu noolagppa dup nona binalag meppig amunu, amuppa ag heeg, da oppoɗil beum.

Amos 5:25

O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta.

Duteronomi 13:8

Amu laa nug uɗia, anam akku dayeb, na aib nuhig dabmak dim lamidna anam heme. Na aib oɗe doome. Am nuhignu oo gai-iitta doya oo metta ehanittak kobol ele aib heme. Nuhig guppiɗ aib daame. Nug mauhmanu aib ehanidme.

Jeremaia 19:4

Aɗinu da anam hekkul? Juda danab ah ag da dim lamiɗaknu uun, kayak laihnu diiadna uɗin meeg, aben imuam kayak hambuppuak dilag aben aakku daatte. Ag aben imuppa doɗ manan, kayak hambuppuak amu mattegeg uɗie, gemu ele hetteb. Ag, am ag mamelkad aɗi ele ag kayak amu ii dooppig. Juda dilag king tatam daappig, ag ele kayak amu ii dooppig. Juda amu henana, ag laa eheɗ laa ii heppig, beɗulagppa aab iitta ele, ag ag hamu aqaeg mauhegeg uɗie, gemu ele hetteb.