Duteronomi 32:14 - Nobonob Baibel

¹⁴ Nug he, makau, meeme ele ag lanaknu huh huanak ele daappig. Ao, Nug he, sipsip nakkud ittag ele, amu meeme ele ag ena meegeg, lanaknu teppulkad ena ele daappig. Yawe Nug Israel danab ah sipsip dawai enanagnab Basannu, Nug amu ele mattom. Ge, Nug ag wit ena ele mattom. Nug ag amu matte, Nug he, grep ahilkad meu ena oegeg, ag wain enanag lappig.

Duteronomi 32:14 Referans Kwoze

Genesis 49:11

Juda nug keeke kuɗum ele amunu, nug danab nug donki nuhig muɗi grep diigppa qakkalo, nug amubia hekku. Ao, nug danab nug donki nag nuhig muɗi grep enanagnab, amuppa qakkalo, nug anambia hekku. Danab nug keeke kuɗum ele, wainnu am keeke hamu bia doya, lamen elab aguppa ihalo, Juda nug anam daakku. Ao, danab nug keeke kuɗum ele, lamen nuhig grep lebuppa ihalo, nug amubia daakku.

Sam 147:14

Amu ele, Nug he, ag Israel wanppa daatteb, ag maɗoɗ ele daaegeg, Nug ag bret kunum ena ena witppa heppig amu matte latteb.

Sam 81:16

Amge da ag Israel danab ah, da ag ee ena ag mattalom. Ao, da ag ee ena ubuhi ele amu, da ag lakkulagnu mattalom.”

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Esekiel 39:18

Ag sipsip dawai, sipsip nag, meeme, makau ele, oh ittalag huanak, wan Basannu lalob bia, ag ban danab ɠagattag teppulkad lanana, anuqak danab tiilag ele lakkulag.

Aisaia 7:22

Am inam ele daakku. Doɗ amu ag mamelag huh huanak mettaglag amunu, danab amu nug huh amu awa, sis ha, sis lakku. Ge, anam daakku amunu, danab laippu laippu oh haen amuppa Juda wanppa daaglag amu, ag sis, uppuh leppu ele lakkulag.

Aisaia 7:15

Ataɗeb ukkeb, tatam nid amu nug nakok ena ma, haen nug dabmak ele dayaya, nug kobol aɗi am kobol genab tutukku ele, kobol aɗi am kobol nau ele doya, aria dimppa nug uppuh leppu, sis huhppa hak amu lakku.

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Job 20:17

Nug en okkai aokku, amge nug amuppa gamag ahak nakok laa ii aoma. Ao, nug keeke ena ena kuɗum aokku, amge amuppanu gamag ahak nakok laa ii aoma. Iitta.

Ikki Danab 5:25

Sisera nug lenu oɗ me, Jael nug huh mettom. Ao, nug tappiɗ laa, king nug amuppa keeke lakkunu elele, nug amuppa huh enanag ma, awa doa mette, ⌊lawowa niiom⌋.

Genesis 18:8

He ewa male amu, Abraham nug huh nakok ɠagattag ele, huh leppunab, amu makau teppu ele oh awa ukka, danab ewam matte, ag laegeg, Abraham nug ele ad logoppa gukkuatta hibaitta dayom.

Revelesen 14:20

Amu ag grep meu, grep meu tappa leppu awaknu aben aab okkainu aɗ dimittim appa bappaidppigppa tabappig. Tappaeg, grep leppu noa amba eɗua tiig ba, leta dimittim ukka, 296 kilomita ukkom. Unuqag nuhig am hapahapa ewam bia.

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

Job 29:6

Haen amuppa da keeke kuɗumnab ele. Ge, olip goɗen huanak, menppa gokkaɗa nelo, amubia dahil dayom.

Duteronomi 28:47

Yawe, ahilag Kayak, Nug ag keeke kuɗumnab matteb, ag haen amuppa Nug waappa daanna nuhig maɗi nid daaglagnu gamag ahak, yag bak ele ii dooglag dayeb amu,

Nehemaia 9:25

Ig mamenkad aɗi bekkalkad ag aab okkai ɠagattag aɗ ele eɗadna aona, ag wan ittag ele aoppig. Ag lag kuɗumnab, wan amuppa daappig, appa keeke ena ena ele ambak dayom amu, ag amu aoppig. Le moɗ laa buuppig, grep dad, olip dad, ad meu otteb digdig huanak ele aoppig. Ag keeke amu oh aona, ag ee laeg, oolag aɗom. Ag ee elelenab amunu, ag enaib daappig. ⌊O Kayak,⌋ ag keeke ena ena na ag mattamenu ag gamag ahak eheɗ nau aoppig.

Nehemaia 9:26

Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.

Hosea 11:4

Da ahilagnu oo bodoettak doyak kobolppa hein; da ahilagnu oo mauhak ele doomi. Da ag kobol nau waappa daamnanu diiatti, dahilppa uɗippig; danab nug nuhig nid bahi qette bia, da ag ena daaglagnu ehanadmi.