Biblia Todo Logo
Bib sou entènèt

- Piblisite -




Duteronomi 32:13 - Nobonob Baibel

13 Yawe he, ag qauko attan, wan oh ele aoppig. Ao, Yawe he, ag dattan keeke aon lappig. Nug he, ag uppuh leppu aben men eleppan aon lappig. Yo, Nug he, ag olip goɗen, ad wan men eleppa beppig amu, amuppanu aon lappig.

Gade chapit la Kopi




Duteronomi 32:13
16 Referans Kwoze  

ag da, Yawe, ag da ele daagnignu oo gamag ahak dooglag. Ag amu oh hekkulag dayeb amu, da heppi, wan laappan danab ah ag ahilagnu, ‘Ag binalag ele,’ dooglag. Ag amu hekkulag dayeb amu, da heppi, ag mamelag Jakopnu wanppa daanna, wan amuam nug aug amu, ag wan amuppa ee ena, okkai ele aon lanan daaglag,” awa aum. Yawe Nug anam mattiom daatte amunu, am anam bekku.


Haen amuppa da keeke kuɗumnab ele. Ge, olip goɗen huanak, menppa gokkaɗa nelo, amubia dahil dayom.


Amge da ag Israel danab ah, da ag ee ena ag mattalom. Ao, da ag ee ena ubuhi ele amu, da ag lakkulagnu mattalom.”


na, ‘Naɗi Yawe Nug inam atte,’ awona, na nai imu appe doyeg! ‘Kekeɗ ag ahilagnu, “Ehe, enanag! Qauko anukka daaegeg uɗie uɗie, gemu ele daatteb amu, qauko amuam gemu ihinig daatteb,” aon appig.


O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.


Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.


⌊Ag gobeppeg, haen amuppa kobol digdig Yawe Nug Israel Isipnu diia ukke daappig bia daaglag. Yawe Nug Israel Isipnu diia ukkom, haen amuppa⌋ Nug omalatte, ag atu taɗakppa oippig, amge ag le baalag ii diiom. Nug he, le ahilagnu menppa neum. Ao, Nug he, men oppate, le huanaknab noa ukkom.


Da Yawe, ⌊da Israel danab ah ag hipunin heegeg uɗie, gemu ele hetteb, da amunu⌋ danab nug dabmak huanak awa, uug nau ele doya hette bia da eppel laihppa, am eppel laih oppi, ⌊ag bu elele aoppeg,⌋ dahil oppoɗi bak am aakku iitta mekku. Da Yawe, da aakku ain malami,” awa aum.


Wan amuppa wit, bali, grep muɗi, ad fig, pomigranet, olip ad, amu uppuh leppu kuɗum ele daatteb.


Nug ag atu taɗak naɗi, danab antta baɗatte ele, Nug amuppa omalatte uɗippig, amu aib amelag atiom. Atu taɗak amuppa am mat nau, apiap ele, aam gakkaɗak huananab, le ele iitta, amge Nug menppan le he ne mattom.


Am doɗ dia laa nug na qekkunu elele iitta oitte, amubia Kayak Nug da ehaniɗeɗe oittem. Ao, ib qaukoppanu oikkulnu, Nug da ehaniɗe, da ii nein qettem.


Nug en okkai aokku, amge nug amuppa gamag ahak nakok laa ii aoma. Ao, nug keeke ena ena kuɗum aokku, amge amuppanu gamag ahak nakok laa ii aoma. Iitta.


Am doɗ dia laa nug na qekkunu elele iitta oitte, amubia Kayak Nug da ehaniɗeɗe oittem. Ao, ib qaukoppanu oikkulnu, Nug da ehaniɗe, da ii nein qettem.


Amge Israel dilagnu amu, da hei, ag Kanan wan aon daanna, ag ee kuɗum ele daan, ag laeg oolag aɗom; ag oolag aɗe, ag dada danab beppig. Ag anam bena, ag dahilnu daulag atiom.


Yawe, ahilag Kayak, Nug ag keeke kuɗumnab matteb, ag haen amuppa Nug waappa daanna nuhig maɗi nid daaglagnu gamag ahak, yag bak ele ii dooglag dayeb amu,


Anam amunu, nahip bala am gol, silwa eleppa hak dayom. Nahip lamen oh am enaib. Laa linen hakkabppa heppig. Laa am lamen laa, awaknu daden nob okkai ele. Amu laa am lamen kobol kobol koitak ele. Nahip ee am enanagib; plaua enanag, uppuh leppu, am olip goɗen ele. Da nahipnu anam hei, na ah iɗun tuqaknab bena daanna, na aakku ah okkai, kuin daame.


Swiv nou:

Piblisite


Piblisite