Duteronomi 32:10 - Nobonob Baibel

¹⁰ Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

Duteronomi 32:10 Referans Kwoze

Hosea 13:5

Da ag atu taɗakppa atognoadmi; aben amuam gakkaɗak naunab ele.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Solomonnu Ahi 8:5

Laa nug atu taɗakppanu, laa nuhignu oo mauhtte ele ehanittette uɗitte amu, nug am aun? Apel ad laa waappa, appa na mamen nug na anin na mettom, appa na anin nug guittak naɗi doyaya menuittom amu; appa da maɗettidmi.

Prowerb 7:2

Na dahil haknunab anak dabmedakkut dayeb amu, na bau daakkut; da na aɗi keeke ippunidttem amu, na amunu, “Am keeke enanag, meu ele,” doon, na amu dabmena, atogno!

Rom 2:18

ag Kayaknu ɗonu ippunittak aoppig daatteb amunu, ag Kayak oo daatte doonna, ag ib ena aakkuib dim lamidkkulagnu, ag amunu ena doona,

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 1:31

Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Sam 107:40

Amu laa Nug king tiigppan danab ag dada danab daatteb dayeb, Nug he, ag uɗa nak naunab aotteb. Amuam Yawe Nug he, laa ag Nug dim lamittak uuppig ele ag gona, atu taɗak nauppa mauhnoak oippig.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 13:11

Danab nug matagiɗ awa, imuagppa taietta qagatte, amubia da Israel danab ah oh, Juda danab ah oh ele dahilad daaglagnu, ag da gukkuiɗak dahilppa daaglagnu qakkaladmi. Da amu heminu diig am, ag da dim lamiɗppeppeg, wanppan wan laala ohppan danab ah ag anadna, ag da dooiɗna, ag da onil, da binal ele humaglag, amge Israel danab ah, Juda danab ah ele ag nai dahil amu doon, dim lamidkkulagnu uuppig. Ag amu hak uuppig.’ ” Yawe Nug anam aum.

Esekiel 16:5

Laa nug nahipnu na anitta, oo bodoetta le meeb, ehanidkkunu kobol ii dim lamittom amunu, laa nug nid bau menuak haennu kobol laippu laa, nug anam laa iinab heum. Iitta. Na anin mamen, laa oh ele ag na geɗidna amunu, laa nug awitta ukka, dad okkaippa buɗitte ukke, na aguppa daame.

Esekiel 20:36

Da ag mamelkad aɗi ag Isip wan uun, atu taɗakppa oinna, eheɗ heeg epeɗiadmi, amubia da ag epeɗiadkkul.” Naɗi Yawe, Nug anam atte.

Hosea 11:3

Da dakka da danab nug bekka baegppa oikkunu ippunidtte, da amubia ag Israel ippuanatten ehanadmi. Da danab bekka eppeg aɗa omala gotte, amubia da ag eppelag aɗualatte omaladmi. Da ag atognoatten autenab aomi, amge ag da uɗat hemi amu, ag amu diignu doyak tutukku iitta ele. Iitta.

Esta 6:13

Haman nug wau Seres, amu laikkud laa oh ele aɗi keeke beum amu ohnu amelagppa mattie, Seres, amu nug laikkud ulum medappig ele ag nug amegppa appig. “Mordekai, nug Juda ted, nug na eɗidkkunu digmeum amunu, na nuhigppa keeke laa hekkutnu elele iitta. Iitta! Nug geha na eɗidkku,” aon appig.

Sekaraia 2:12

Wan laa Yawenu tituanak daatte, wan amuppa laih Juda am nuhig aug bia dayebeb, Yawe Nug baula Jerusalem tituaneb, nuhig aabnab daakku.