Duteronomi 30:9 - Nobonob Baibel

⁹ Ag anam heppeg, Yawe, ahilag Kayak, Nug enanagnab doya heeb, ag aɗi uɗat digdig hekkulag am enaib bekku. Ag appatppeg, ahilkad nid naunau kuɗumnab daaglag. Ahilkad makau ele appatkkulag. Datta ee ebatteb, amu ele meu huanak okku. Aɗinu? Nug ag mamelkad aɗi dilagnu oo enanagnab doyom, amubia Nug baula ahilagnu enanagnab doya heeb, ag ee keeke, elelenab daaglag.

Duteronomi 30:9 Referans Kwoze

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Duteronomi 28:4

Yawe Nug itittak ena matteb, ag nid kuɗum ele daan, ahilkad dad ele, am ee okkai okkulag. Yawe Nug heeb, ahilkad makau huana menuadppeg, sipsip meeme ele am anamib ele daaglag.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.

Jon 15:11

Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Aisaia 65:19

Da Jerusalemnu ool gamag ahakku. Ao, da dahilad danab ah dilagnu enanagnab dookkul. Amu da heppi, dahilad danab ah ag baula ii gaamna, ag ele ii mahimna. Amuam baula ii daamna. Iitta!

Duteronomi 28:63

⌊Ag Nug dim lamittegeg,⌋ Yawe Nug ena doya ehanatte, ag ena daan, kuɗum appatppig, amubia ag Nug dim ii lamidkkulag, ag ena daamnanu, Yawe Nug ag hatteb, padal mena, iitta mekkulagnu ena dookku. Nug heeb, ag auhppeppeg ukkeb, wan ag nona aon daaglagnu daatte ele, ag amuppa ii daamna.

Lewitikas 26:6

Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Duteronomi 30:8

Anam heeb, ag eɗun, Yawe dim lamidna, ag haknunab anak nai gemu da ag madattem imu aɗaglag.

Jeremaia 31:27

Amu Yawe Nug atte. “Haen laa uɗitte amu, haen amuppa da heppi, Israel danab ah, Juda danab ah ele ag wanelagppa daanna oinna, ag, amu ahilkad sipsip, makau keeke ele oh kuɗum appatna daaglag.

Duteronomi 7:14

Ag itittak enanag, laa oh dilag eɗittak ele wanppa daaglag. Danab, o ah laippu laa nid iitta laa ii daama, ahilkad doɗ oh geha nalkad menuadkkulag.

Aisaia 62:4

Haen amuppa, wan laappan danab ag baula ahilagnu, “Kayak Nug danab ah umu uuattom,” ii amana. Yo, ahilag wanppanu, huu laappan danab ah ag, “Yawe Nug he, danab ah qainqainib daaeg, wan am nauhakib daatte,” anam ii amana. Amu laa ag ahilagnu onig, “Hepsiba,” ataɗkkulag. Yo ag, ag Judanu amu, ag onig, “Biula,” ataɗkkulag. Aɗinu? Yawe Nug ahilagnu enanagnab dookku. Amu Nug heeb, danab ah ewau matulak aoya, enanag daattep, amubia ahilag wan am ena daakku.