Duteronomi 30:6 - Nobonob Baibel

⁶ Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Duteronomi 30:6 Referans Kwoze

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Jeremaia 32:39

Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

1 Jon 4:7

O gamalad, ig lainkad ele ig oh nug oo mauhak dootu! Aɗinu? Oo mauhak kobol diig am Kayak. Laa nug oo mauhak kobol dim lamidtte amu, nug Kayak Bekka daya, nug ele Kayak dootte.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

Rom 11:26

Kobol anamppa Kayak Nug Israel oh eɗua diikku. Amu Kayak naippa, Kayaknu nai laa daatte bia. Nai amuam inam. “Ehanittak laa Sionnu uɗia, Kayaknu, nuhig haknu ele uuak kobol Jakop toppanu amu, Nug aokku.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.