Duteronomi 30:2 - Nobonob Baibel

² haen amu ag, amu nid ahilkad ele ag eɗun, Yawe, ahilag Kayak, ag Nug waappa daan, ag meulag ohppa, oolag ohppa ele haknunab anak nai oh da gemu mattami ele, ag amu tutukku dim lamidppeg amu,

Duteronomi 30:2 Referans Kwoze

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Gayak Nai 3:40

Yawe Nug bu mekkeb, ig nai aib hemut. Iitta. Ig ihinig hak, ihinig oiyak dabmetata, epeɗidtata, ma anttak meta; ig eɗut, Yawe waappa daagnignu hetu!

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

2 Korint 3:16

Amge haen danab nug oo eɗue, Naɗi oo medatte amu, aria Kayak Nug lamen amu maute, nug oo aakku maidtte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Jeremaia 29:13

Ag da aniɗna dim lamiɗkkulagnu mattiɗkkulag, amu ag meulag ohppa amu henana, ag da aniɗkkulag.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Sam 41:12

Dahil dabmak oiyak ele am tutukkuib amunu, na hee, da bau daye, nagattoppa hanhan wain daakkulnu elele.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

1 Stori 29:9

Okkai danab ag oo qak iitta ele, ag meulag ohppa ele Yawe keeke amu medappig amunu, danab ah ag ahilkad okkai ag oo qak iitta ele keeke Yawe medappig anidna, ag oolag gamag ahom. King Dawit nug ele oo gamag huanak ahom.

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

2 Stori 30:9

Aɗinu? Ag eɗun, Yawe waappa daaglag dayeb, Nug heeb, kekeɗ ag Juda danab ah laa diin goppig ele amu, ag ahilagnu oo bodoetta le mak doon, ag heppeg, laa amu ag eɗun, wan imuppa uɗiglag. Yawe, ahilag Kayak, Nug oo bodoette enanag maɗoɗ ele hak kobol dim lamitta, Nug oo gai-iitta, oo metta, ehanittak kobol ele hanhan hette amunu, Nug anam hekku. Ag eɗun, Nug dim lamidkkulag dayeb amu, Nug ag ii geɗadma.” Pasppa yaak anam dayom.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Jeremaia 36:3

Na anam buk amuppa yaappe, Juda danab ah ag uug naunab digdig da heppi, ahilagppa bekkunu da maittak aomi doon, ag anen anen ag nau hak ahilag uuglagtai. Ag anam nau hak ahilag uuglag dayeb amu, da ahilag nau hak, ahilag hipunin ele uhuqen madakkul.” Yawe Nug Jeremaia amegppa anam aum.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Lewitikas 26:40

Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu,