Duteronomi 30:16 - Nobonob Baibel

¹⁶ Da gemu ag Yawe, ahilag Kayak, ag nuhignu oo mauhak doon, ag Nug oɗe, nuhig haknunab anak, nuhig ɗo oh ele dim lamidkkulagnunab ag amelagppa attem. Ag amu hekkulag dayeb amu, ag bau daanna, appatnana, ena daaglag. Laa amu, ag amu hekkulag dayeb, Yawe, ahilag Kayak, Nug wan ag aoglagnu daatteb amu, Nug wan amuppa ag itadkku.

Duteronomi 30:16 Referans Kwoze

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

1 Korint 7:19

Gaɗa otaɗak amu keeke hamu; gaɗa ii otaɗak amu ele keeke hamu, amge Kayaknu haknunab anak dim lamidkkunignu am keeke okkai.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 30:17

Amge ag nuhig ɗo tabappeg nekku dayeb, ag nuhig nai ii dooglag dayeb, ag laa dilag dabmak nau doon, ag kayak hambuppuak noolagppa dup nona binalag mekkulag dayeb amu,

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Josua 23:11

Ag Yawe, ahilag Kayak, ag nuhignu oolag mauhkkunu, ag dabmettan autna aweg!