Duteronomi 30:15 - Nobonob Baibel

¹⁵ Antte! Gemu amu, da ib aɗit ippuanatti, ag ib laa tituankkulagnu daatteb. Ag ib laa dim lamidkkulag dayeb amu, ag bau daanna, ag keeke ena aoglag, amge ag ib laa dim lamidkkulag dayeb, ag mauhna, padal mekkulag.

Duteronomi 30:15 Referans Kwoze

Duteronomi 11:26

Gemu amu, da ag itittak ena aoglagte, iitta ag itittak nau aoglagte, da amu ag dabmak aoglagnu aakku attem.

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Duteronomi 30:1

Amu ag Yawe oɗe dim lamidna oinna, ena anidkkulag. Amge ag Yawe oɗe dimettan oinna, eheɗ laa awaknu anak waappa dayak anidkkulag. Anam amu, Yawe, ahilag Kayak, Nug heeb, ag matatun gona, wan laalappa, diia ukka laih me dayak danab ah, danab laa oolagppa daaglag, amge haen amuppa ag itittak enanu, amu eheɗ laa awaknu anak waappa dayak ele da yaami epeɗin dabmekkulag dayeb amu,

1 Jon 3:23

Nuhig haknunab nai am inam. Ig Nug Bekka Jesus Kristusnu oonigppa genab doot, Nug ig amenigppa haknunab nai aum, amubia ig lainkad ele nug oo mauhak ele doognigoitte.

Genesis 2:17

amge na keeke ena, keeke nau ele doyaknu ad, nuhig meu amu, na aib lame. Aɗinu? Deɗ laa na lawona, na mauhkkut,” awa aum.

Duteronomi 30:14

Iitta! Nai amu na dim lamidkkutnu na qata nidatte, na oɗenppa, na ootppa ele daatte.

Prowerb 12:28

Genab tutukku ha oiyak am bau dayaknu ib aakku. Ge, ib amuam mauhakppa ii notte.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Jeremaia 21:8

Aria, nai laa amu, aa Jerusalem danab ah amelagppa inam apeɗ doyeg! ‘Yawe Nug ag amelagppa inam atte. “Antteg! Da gemu ib aɗit ippunadttem. Laa amu bau dayaknu ippu. Laa amu mauhak ippu.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Jeremaia 42:21

Ag anam aeg, da hei, Yawe Nug ag aɗi hekkulagnu aum, da amu oh ag amelagppa ami, amge ⌊da iikku anidttem⌋ ag Yawe, ahilag Kayak, Nug ag aɗi hekkulagnu ab, da appi, ag dooglagnu da amelppa aum amu, ag amu dim lamidkkulagnu uuppig. Ag ii hemana.