Duteronomi 30:10 - Nobonob Baibel

¹⁰ Amge ehanittak ena anam bekkunu am, ag Yawe, ahilag Kayak, ag nuhig haknunab anak, nuhig ɗo ele oh, Ɗo Nai Buk imuppa yaak niitte ele, ag oolag eɗueb, nai amu dim lamidnana, ag Yawe, ahilag Kayak, ag Nug meulag ohppa, oolag ohppa ele Nug dim lamidkkulag, amuam bekku.

Duteronomi 30:10 Referans Kwoze

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

1 Korint 7:19

Gaɗa otaɗak amu keeke hamu; gaɗa ii otaɗak amu ele keeke hamu, amge Kayaknu haknunab anak dim lamidkkunignu am keeke okkai.

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Duteronomi 30:8

Anam heeb, ag eɗun, Yawe dim lamidna, ag haknunab anak nai gemu da ag madattem imu aɗaglag.

Duteronomi 30:2

haen amu ag, amu nid ahilkad ele ag eɗun, Yawe, ahilag Kayak, ag Nug waappa daan, ag meulag ohppa, oolag ohppa ele haknunab anak nai oh da gemu mattami ele, ag amu tutukku dim lamidppeg amu,

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Esekiel 33:19

Amge danab laa nug oo eɗueb, nug nau hak tuɗitta hekkunu uua, nug eɗua nai doya mala hettoɗia epeɗia elele mettak kobol, kobol genab tutukku ele haaha oikku amu, nug ii mauhma, nug bau daakku.

Esekiel 33:14

Am laa amu, da nau hak danab laa nug nau aomanu dabmettak nai amegppa, “Na genab mauhkkut,” appi, nug amu doya, nug oo eɗueb, hipunin digdig heumnu baula hekkunu uua, nug nai doya mala hettoɗia epeɗia elele mettak kobol, genab tutukku hak kobol ele digma hekku dayeb amu,

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Esekiel 18:21

Amge nau hak danab nug oo eɗueb, hipunin digdig heumnu baula hekkunu uua, nug dahil ɗo oh dim lamittatta, nai doya mala hettoɗia epeɗia elele mettak kobol dim lamitta, nug kobol genab tutukku hekku dayeb amu, nug genab bau daakku. Nug ii mauhma.

Duteronomi 29:21

Yawe Nug geha danab amunu Israel dilag huu okkai ooppan amu, Nug eheɗ laa awaknu anak waappa dayaknu nai Ɗo Nai Bukppa yaak daatte amu qaɗelagppa gokkaɗkkunu epeɗiadkku. Buk amuppa nug tituana nai qakkak nai imu aakku daatte.

Duteronomi 30:11

Gemu da ag aɗi hekkulagnunab attem amu, ag hekkulagnu uugnab iitta, ag hekkulagnu elele.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Sekaraia 6:15

Danab wan atu kuɗumppanu ag uɗin, Yawenu mettid lag eɗun bappaidkkulag. Ag amu heppeg anidna, ag dooglag, da, Sekaraia, da Yawe Nukka Ɠagattag Oh Ele oɗeppanu nai awe, ag mattami. Ag Yawe, ahilag Kayak, ag nuhig haknunab anak oh yagbak ele dim lamidkkulag dayeb amu, keeke amu oh anam aakku bekku.