Duteronomi 3:9 - Nobonob Baibel

⁹ Hermon qaukonu amu, Saidon danab ah ag Sirion adappig; Amo ag am Senir adappig.

Duteronomi 3:9 Referans Kwoze

Sam 29:6

Yawe Nug nuhig ɠagattagppa he, Lebanonnu qauko ag makau gaiɗ laa bia oolna tena, oolna netteb. Nug nuhig ɠagattagppa he, qauko onig Sirion am makau okkai ebehi ele dakkuɗ bau ena mak ele bia oola ta, oola nette.

1 Stori 5:23

Israel dilag huu okkai Manase mahaib, amunu danab ah, ag Jodan le laih daappig, ag am ebqak kuɗumnab. Ag Basan wanppa daaeg ukka ukka, laih yawalti uɗitteppanu qauko Hermon, Balhermon, Senir ele batappig.

Esekiel 27:5

Laa ag na heidppig amu, ag ad pain Senirnu aon, plang nahip amu oh bappaidppig. Ag nahip qaɗaɗ hekkulagnu amu ag ad sida, Lebanonnu aon, amuppa ag heppig.

Solomonnu Ahi 4:8

O ah dahil, na Lebanon appanu da ele eɗuɗ uɗignih. Ge, i oh laippu oiɗa, Lebanonnu uɗignih. I qauko Amana, qauko Senir, am qauko Hermon ele uuɗ uɗignih; qauko amuppa doɗ laion, doɗ lepad ele teɗ menan daanna oitteb amu, i appanu eɗuɗ uɗignih.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

Josua 11:17

Israel wan tom gemu am Helak qauko, Seir guguittak, appanu ukka Balgat waum. Amuam qauko Hermon guguittak. Balgat am Lebanonnu atu oolnu noakppa daatte. Josua nug wan amuppanu king oh eɗatta, aɗalatta aqom.

Sam 42:6

Da ippa qauko Hermon, qauko Misa, Jodan le gogppa ele guguittak uugnu oola, laih dayaknu danab daattem. Da anam dayeye, da oolppa elele ii doottem amunu, da Kayak unuqidkkul.