Duteronomi 3:5 - Nobonob Baibel5 Aab okkai amu oh ig nuhigppanu aomut ele amu, aab okkai amu oh am aab ɠagattag aɗ ele, ahilag aɗ am attannab, amu aɗppan od oɗeppa amu, od manak qaknu keeke ele daappig. Amu ig aab naunau kuɗum aɗ ii hattak ele, amu ele haen amuppaib diimut. Gade chapit la |
Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.
Aria, tog dottog golppa hak tanig ele amu, ag Pilistia dilag aab ɠagattag aɗ ele, aab naunau aab amu anen anen taliliadna daatteb, aab amu anen anen am Pilistia dilag danab okkai tanig ele waappa daappig amu, am aab amu ippunigtteb. Amu men naɗi Betsemesnu danab onig Josua, nuhig wanppa daatte, ag Yawenu Tituanak Nainu Kunup men amu attan meppig ele amu, men amu keeke imu oh genab beum amu, am at aakku dayom, gemu, ⌊nai imu yaak haenppa⌋ ele, am anam daatte.
Ig mamenkad aɗi bekkalkad ag aab okkai ɠagattag aɗ ele eɗadna aona, ag wan ittag ele aoppig. Ag lag kuɗumnab, wan amuppa daappig, appa keeke ena ena ele ambak dayom amu, ag amu aoppig. Le moɗ laa buuppig, grep dad, olip dad, ad meu otteb digdig huanak ele aoppig. Ag keeke amu oh aona, ag ee laeg, oolag aɗom. Ag ee elelenab amunu, ag enaib daappig. ⌊O Kayak,⌋ ag keeke ena ena na ag mattamenu ag gamag ahak eheɗ nau aoppig.