Duteronomi 3:27 - Nobonob Baibel

²⁷ Na amu Jodan le ii mataɗmana, amge na neegna, wan anttakib hekkut amunu, na Pisga qauko igippa tena daanna, laih laih ohppa neegppe ukkeb, na wan atu amu oh anidkkut.

Duteronomi 3:27 Referans Kwoze

Namba 27:12

Aria, Yawe Nug Moses amegppa aum. “Na Abarim qauko ukkakppa, qauko laa imu tena, na neegppe ukkeb, wan da Israel danab ah mattami amu antte!

Namba 20:12

Amge Yawe Nug Moses, Aron ele amelahppa aum. “Aa Israel danab ah da am Kayak oppiaawak ele daattem Israel danab ah ippunadkkulahnu dahilnu oolahppa elele genab ii doopiɗ amunu, aa geha da wan Israel danab ah madakkulnu hettemnu ami amu, aa appa ii diiya nomaya,” awa aum.

Namba 23:14

Balak nug nai amu Balam amegppa awowa amu, nug omale, qauko Pisga, appa uɗem laa onig Sopim, aa appa tepiɗ. Appa amu, nug qaɗab eblaih aɗit ele aqa, nug makau gaiɗ laippu, amu sipsip dawai laippu ele qaɗab anen anenppa mana mettak heum.

Duteronomi 1:37

⌊Dahilnu amu,⌋ Yawe Nug ag beɗulagppa ha, dahilnu ele oo nauhe, ⌊haen amuppa⌋ da amelppa aum. “Na wan amuppa ii nomana!

Duteronomi 31:2

“Gemu da dahil maɗ 120 amunu, da anuqen, ag omalatte gokkulnu elele iitta. Yawe Nug da Jodan le mataɗe gopanu da amelppa aum.

Duteronomi 32:49

“Na Nebo qauko te! Nebo qauko imuam iikku Abarim qauko ukkakppa, aab Jeriko am Jodan le laih ukkakppa, Moap wanppa ippa ina daatte. Na tena amu, neegppe, Kanan wanppa ukkaɗ. Wan amu da Israel danab, ag aulagnab daakkunu madakkulnu hettem.

Duteronomi 32:52

amunu na piɗe daanna, wan anidkkut, amge na wan, da Israel danab ah madattem, na amuppa ii nomana.” Yawe Nug anam Moses amegppa aum.