Duteronomi 3:22 - Nobonob Baibel

²² Ag aib danab appa daatteb dilagnu baɗappig! Aɗinu? Yawe, ahilag Kayak, Nug ag Israel, Nug ag ehanatta, ban hekku,” awe ami.

Duteronomi 3:22 Referans Kwoze

Duteronomi 20:4

Ag ii baɗamnanu diig am, Yawe, ahilag Kayak, Nug ag ele daatteb! Nug ag kekeɗ aqaglagnu ag ehanatta, ban heeb, ag kekeɗ eɗadkkulag!” awa akku.

Eksodas 14:14

Doyeg! Kobol amu bekkunu amu, ag keeke laa ii hemana. Iitta! Ag toettan daappeg, Yawe Nug ag ehanatta, ban hekku.” Moses nug anam aum.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

2 Stori 20:29

Wanppan wan laa ohppan danab ag Yawe anam aakku Juda ehanatte, ahilkad kekeɗ nauheg dooppig amunu, Kayak Nug ahilagnu ele anam hemanu ag baɗappig.

2 Stori 20:17

Ag gona, appa anadkkulag, amge ag ban laa ii hemana. Iitta. Ag gona, ag ban helob bia ban hak abenppa hippaidna, ɠagattag daappeg, Yawe Nug ehanatteb, ag nuhig ehanittak anidkkulag. O Juda dilag daup, ag laa Jerusalemnu, ag laa Juda wanppa laih laihnu amu, ag aib baɗappig. Ag ahilag dabmak am qe nak aib dayom. Ag butti gona, ban hekkulagnu bia kekeɗ neekkatteg, Yawe Nug ag ele daaglag!” awa aum.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

2 Stori 13:12

Kayak Nug ig ele daattem. Nug ihinig okkai daatte. Nuhig mana mettak danab ag ig ban hekkunignu trampet iwalppeg, ig amuppa ban haknu ewak doot, ban hekkunig. O Israel dilag daup, ag Yawe, Nug ag mamelkad aɗi dilag Kayak, ag Nug ele aib ban heppig. Aɗinu? Ag amu hekkulag dayeb amu, ag Nug ii eɗidmana,” awa aum.

Namba 21:34

Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Duteronomi 3:21

Haen amu da Josua amegppa haknunab nai imu ami. “Na keeke oh Yawe, nahip Kayak, Nug king aɗit imu dilahppa heum amu, na anidme. Nug heum biaib, king ag wan laih Jodannu qaban uɗitteppanu daatte gumatteb ele, Nug amu dilagppa ele anamib hekku.

Duteronomi 3:23

Haen amuppa da oo doyak ele Yawe unuqitten ami.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Josua 23:10

Yawe, ahilag Kayak, Nug ag ehanadtte. Nug ahilagnu anam hekkunu nai ana qakkom amunu, ag anen anen kekeɗ 1,000 lamadtteb.

Nehemaia 4:20

Anam amunu ag trampet gayeb doon, ag danab adeppa dayaya iwaltte daulagppa doon, ag paha uɗippeg, appa ig oh qagmekkunig. Ig oh qagmeta, ban hebupput, Kayak Nug ig ehanigkku,” awe ami.

Eksodas 14:25

Yawe Nug he, bannu karis baelag nauhom amunu, bannu karis ag huan gokkulagnu elele iitta daye, aakku Isip ag appig. “Doyeg! Yawe Nug Israel ehanatta, ig iqakkunu hette amunu, ig pahanab oolta gotu! Ig ag paha uuadkkunig,” aon appig.