Duteronomi 3:21 - Nobonob Baibel

²¹ Haen amu da Josua amegppa haknunab nai imu ami. “Na keeke oh Yawe, nahip Kayak, Nug king aɗit imu dilahppa heum amu, na anidme. Nug heum biaib, king ag wan laih Jodannu qaban uɗitteppanu daatte gumatteb ele, Nug amu dilagppa ele anamib hekku.

Duteronomi 3:21 Referans Kwoze

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Josua 10:25

Ag anam heeg, Josua nug ag amelagppa aum. “Yawe Nug ahilkad kekeɗ oh, ag ag ele ban hekkulag ele amu, Nug imu dilagppa heumbia amu, Nug amu dilagppa hekku amunu, ag aib baɗappig; dabmakppa ele qe nak aib dooppig! Ag ɠagattag daan, oolagppa ɠagattag doyeg!” awa aum.

Duteronomi 3:20

haen Yawe Nug ag maɗoɗ mattom bia Israel laala, ag Yawe, ahilag Kayak, Nug wan Jodan le mataɗa ukkak madatte, Nug ag matteb aoglag, ag lailkad appa ag maɗoɗ daatteb bia daappeg, ag eɗun, da ag wan madattem ele imuppa uɗiglagnu elele,” awe ami.

Duteronomi 3:22

Ag aib danab appa daatteb dilagnu baɗappig! Aɗinu? Yawe, ahilag Kayak, Nug ag Israel, Nug ag ehanatta, ban hekku,” awe ami.

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.