Duteronomi 3:17 - Nobonob Baibel

¹⁷ Ruben, Gad ele dilah wannu tom qaqan uɗitteppanu am Jodan le aakku. Jodan le am atu Araba, atu amuppa daatte. Tom amuam Galili Le amegppanu ukka, Mauhak Le aguppa batak, amu ahilag wannu tom kaɗag uɗitteppanu, amuam qauko Pisga aakku.

Duteronomi 3:17 Referans Kwoze

Josua 12:3

Sihon nug Jodan leppanu kaɗag uɗitteppanu atu Araba ele gumom. Atu amunu tom laih yawalti uɗitteppanu daatte, amuam Galili le ameg, tom laih yau uɗitteppanu daatte, amuam Mauhak Le. Tom laa am aab Bet Jesimot, amu appanu ukka, qauko laa onig Pisga batak.

Genesis 14:3

Sinar dilag king aɗi ag Sodom dilag king aɗi ele ban hekkulagnu ⌊ahaeg⌋, Sodom dilag king aɗi ag ban hekkulagnu nai tuqana, ⌊haenppa⌋ ag ahilkad daup ele oolnu noak okkai onig Sidim, appa goppig. Oolnu noak onig Sidim am Mauhak Lenu oolnu noak.

Duteronomi 4:49

Ag danab ag Jodan leppanu kaɗag uɗitteppanu, atu Araba, amu oh amuppa daatte, ag danab amuppanu, ag ag eɗadna, aben amu aoeg ukke, yau uɗitteppanu ukka, Mauhak Le gottuppa noum. Qauko Pisga am wan amunu kaɗag uɗitteppanu tom aakku.

Josua 18:19

Anam atu taɗak matta ukka, qauko nakok Bethoklanu yawalti uɗitteppanu daatte, appa ukka amu, Mauhak Lenu, yawalti uɗitteppanu, yu noa batatte amuppa waum. Jodan le oɗe amuppa daatte. Amuam yau uɗitteppanu tom aakku.

Josua 15:5

Juda dilag kaɗag uɗitteppanu tom am Mauhak Le ukka ukka, Jodan le baeg, amuppa batak. Amu Juda dilag tom yawalti uɗitteppanu am, Jodan le baegppa, Galili le amegppa le noa batatteppa, appanu amu, tom nug digma ukka,

Josua 15:2

Aria, yau uɗitteppanu tom amuam Mauhak Leppa laih yau uɗitteppanu, yu noa batatteppa laa daatte amu, tom amu amuppa digma ukka,

Josua 13:27

Aria, aab Jodan oolnu noakppan daappig ele, Moses nug Gad mettom ele, amu onilag am, Betharam, Betnimra, Sukot amu Sapon ele. Amu nug Amo dilag king Sihon, nug Hesbon dayom, nug nuhig wan maha laa ele mattom. Wan amunu amu, Jodan le am qaban uɗitteppanu tom dayom. Tom wan amunu yawalti uɗitteppanu am Galili le amegppa le nodeppa, aakku.

Namba 23:14

Balak nug nai amu Balam amegppa awowa amu, nug omale, qauko Pisga, appa uɗem laa onig Sopim, aa appa tepiɗ. Appa amu, nug qaɗab eblaih aɗit ele aqa, nug makau gaiɗ laippu, amu sipsip dawai laippu ele qaɗab anen anenppa mana mettak heum.

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Luk 5:1

Deɗ laa Jesus Nug le ameg Genesaret, le amu ihippa hibaitta dayeye, danab ah kuɗum ag Kayak nai dooglagnu uɗin itun daaegeg,

Josua 19:35

Aab okkai ɠagattag aɗ ele Naptali wanppa daappig amu Sidim, Ser, Hamat, Rakat, Kineret,

2 King 14:25

Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.

Esekiel 47:8

Da amu anitti, danab amu nug da amelppa aum. “Le imu nug aam bedeppa, appa ugakka, Jodan lenu oolnu noakppa ukka, le gottu okkai onig Mauhak Le, le amuppa gotte. Le imuam Mauhak Leppa ukka heeb, le amu ena iitta daatte amu, eɗua ena daakku.