Duteronomi 3:14 - Nobonob Baibel

¹⁴ Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Duteronomi 3:14 Referans Kwoze

Namba 32:41

Jair, Manase buɗub laa, nug Gileat ooppan aab naunauppan danab lamatte ahaeg, nug aab amu onilag Jair Aab ataɗattom

2 Samuel 13:37

Dawit nug bekkanu deɗ kuɗum mahiom, amge Apsalom nug oola, Amihut bekka Talmai, Gesur dilag king, nug ele daaglahnu ukkom.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

2 Samuel 3:3

Amnon dimugppanu am Kileab. Nug anig am Karmel ah, Abigel; tatam nug Nabal wau dayom, amge Nabal mauhe, Dawit awom. Amu dimugppa am Apsalom. Nug anig am Makah. Makah am Gesur dilag king Talmai aɗeg.

Josua 13:13

Amge Israel ag Gesur danab, Maka danab ele ii lamadppig amunu, danab amu ag gemu, ⌊nai imu yaak haenppa⌋ ele, ag Israel oolagppa daatteb.

Duteronomi 3:4

Am ig nuhig aab okkai oh aomut; ahilag ebqak am 60. Og nug Basan wanppa, wan atu gumom amu, wan amuam Argob. Nug wan amu gumom, amge ig wan amu oh nug eppegppanu aomut.

Duteronomi 3:13

Anam hewoya, da Gileat wan laa oh, amu Basan wan ele, anukka Og gumom, da Manase huu mahaib, ag mattami. Basan appa wan atu onig Argob oh, anukka ag wan amunu am Repaim dilag adappig.

Josua 12:5

Nuhig wan tom yawalti uɗitteppanu amu, amuam qauko onig Hermon appa digma ukke, Saleka batak dayom. Nug wan onig Basan ele gumom, amge wan onig Basan am oh ii gumom. Iitta. Gesur danab, Maka danab ele ag wan amu laih gumappig amunu, Ognu wan am ukka, tom amuppa batom. Og amu oh gumama, nug Gileatnu wan maha ele gumom. Laih nug gumom ele am ukka, Hesbon dilag king Sihon, nug laih gumom, laih amunu tomppa batom.

2 Samuel 14:23

Joap nug anam awowa, nug aha ukka, nug Gesur ukka, nug Apsalom omala, eɗua Jerusalem uɗiom.

Sam 49:11

Danab Kayaknu ii dabmena, ii dim lamidtteb, kaaka danab ele amu, ag oh mauhna, hanhan moɗppa niitteb, Ao, ag hanhan appaib daatteb. Ag onilag aon, wan laala onilag aakku medappig, amge laa ag wan amu aon daaglag.

Jeremaia 40:8

ag Gedalaia gumidna, Mispa goppig. Ag goppig ele am, Netania bekka Ismael, Karea bekoɗ Johanan amu Jonatan ele, Tanhumet bekka Seraia, Netopa danab Epai bekkod, amu Maka danab laa, nug bekka Jasania ele. Ag am ahilkad daup ele oh goppig.

2 Samuel 20:26

Amu Jair danab onig Ira, nug am Dawitnu ulum mettak danab dayom.

2 Samuel 23:34

Maka ted onig Elipelet, nug Ahasbai bekka; Gilo ted onig Eliam, nug Ahitopel bekka;