Duteronomi 29:9 - Nobonob Baibel

⁹ Amunu ag nug tituana nai qakkak daatte amu aɗan, dim lamitteg! Ag anam hena amu, ag keeke ohppa ag eleleib hekkulag.

Duteronomi 29:9 Referans Kwoze

1 King 2:3

Amu na Yawe, nahip Kayak, na nuhig nai ig hekkunignu mekkom, nuhig kobol oh ele dim lamitte! Na gona, adeppa adeppa daanna, appa na keeke aɗi hettem, amu keeke amu ena bekkulagnu, na nuhig ɗo iɗu iɗu oh, amu nuhig haknunab anak oh ele, Nug Moses oɗeppa ig mekkom amu, na amu oh dim lamitte!

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Duteronomi 29:1

Yawe Nug Israel ele Horep appa nug tituanna nai qagappig. Aria, Moap appa Yawe, ag ele baula nug tituanna nai qagappig. Amuam nug tituanna nai qakkak bau, qauko Horep appa heppig am tuɗittak. Amu Yawe Nug Moses, Israel amelagppa, ag nai amu dim lamidkkulagnu, ag attem attem hekkulagnu amelagppa ab dooglagnunab aum am, amuam aakku.

Jeremaia 50:5

Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Duteronomi 29:10

Gemu amu, ag Israel danab oh, ag laa ag huu okkai dilag okkai danab, ag laa ag epeɗiak danab, ag laa ag ikki danab, amu ag laa ag aabppan danab, ag oh amu, ag gemu Yawe, ahilag Kayak, ag Nug noobppa aakku hippaidppig daatteb.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

Duteronomi 5:3

Yawe Nug, nug tituana nai qakkak amu anukka ig mamenkad aɗi ele ii heppig. Iitta! Nug ig gemu bau daattem, Nug ig ele hemut.

Duteronomi 31:12

Ag danab, ah, nid naunau, wan laihnu danab ag uɗin, ag oolagppa ahilkad aab ooppa daatteb amu, ag danab ah amu oh ag Yawenu nai doon dim lamidkkulagnu, ag Yawe, ahilag Kayak, ag nuhignu ebehilag oh bodoetta le mekkunu, ag danab onilagppa eppeg uɗin qagmeig!

Josua 8:35

Keeke haknunab, Moses nug mattom ele amu, nug amu oh danab, ah, nid naunau, amu wan laihnu danab ah, ag uɗin Israel oolagppa daappig amu, nug ag oh dooglagnu ebqeum. Nug maha nakok laa ii tippalom.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

2 Stori 20:13

Jehosapat nug anam unuqittette, Juda danab oh, ag waalkad, nid yuɗ ahilkad, nid naunau ahilkad ele, ag oh Yawe noobppa aakku hippaidna daappig.