Duteronomi 29:6 - Nobonob Baibel

⁶ Ag bret iitta, o wain iitta, o le ɠagattag laa ele iitta, amge da, Yawe, da am ahilag Kayak, ag amu dooglagnu, da ag ee mattami,” awa atte.

Duteronomi 29:6 Referans Kwoze

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Korint 10:4

Ag oh amu, Kayak Nug le matte lappig. Ao, hab aabnu Laa Nugib ag omalattom. Nug Kristus. Nug he lappig.

1 Korint 9:25

Amu danab oh ag qiɗ laala ele hekkulagnu daatteb amu, ag wan imuppan keeke o kobol laala, ag qiɗ ena hekkulagnu ib oo nette ele amu, ag amu oh qeeg nette. Danab amu ag wannu bala, keeke nauhtte ele aoglagnu hena, qiɗ amu hetteb, amge ig nob ena, nauhaknu elele iitta, amu aognignu hettem.

Nehemaia 9:15

Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Namba 20:8

“Ahan, nahip dudqak hokkat aoppe, na amap Aron ele oh, aa danab ah qagmatteɗ! Aa ag noolagppa na men ⌊umu⌋ amegppa appe, men nug nuhig le ana gokkaɗeb nekku. Ib amuppa amu, na heppe, le, danab, am ahilkad doɗ ele, ag oh lakkulagnu menppanu elele nekku,” awa aum.

Namba 16:14

Na omaigppe, wan enanag, wan ittag ele, appa ee meu huana otte eleppa gokkunignu ame, amge na amu iinab heme. Na ig dad okkai, amu grep dad ele megappe aopput, ig aunig daaglagnu ame, amge na amu ele iinab heme. Na danab imu hambuppualadna, amelag hautkkutnu elele daanna, anam hekkutnu dabmettemte? I ii wamaɗa!” aoya apiɗ.

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Eksodas 16:12

“Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Duteronomi 29:7

Aria, ig uɗiut, Hesbonnu King Sihon amu Basannu King Og ele, aa ig banenig uɗipiɗ, amge ig aa eɗatmut.

Duteronomi 2:33

amge Yawe, ihinig Kayak, Nug nug awa, ig eppenigppa me, ig nug, nug bekkod, am nuhig ban daup oh ele hattaut nauhppig.

Duteronomi 3:3

Yawe, ihinig Kayak, Nug Og, Basan dilag king, nuhikkud danab ah oh ele diia, ig eppenigppa me, ig ag ohnab aqaut mauhppig. Ig laippu laa ii uuittut dayom.

Duteronomi 3:6

Am ig Hesbon dilag king Sihon, ig nuhigppa hemut bia ig heut, aab okkai amu oh am Yawenuib nuhig pelemppa daappig. Ig danab ah, nid naunau ele oh heut, anam daappig.