Duteronomi 29:5 - Nobonob Baibel

⁵ Amu Yawe Nug atte. “Maɗ 40 oh da, Yawe, da ag omalatti, atu taɗakppa oimut. Ag oiyegeg, ag ahilkad lamen, baelkad gaɗa ele ii nauhppig.

Duteronomi 29:5 Referans Kwoze

Duteronomi 8:4

Am maɗ 40 amu ohppa, lamen ahilkad alag ma ii pattiɗattom, ag baelkad ele ii titiɗom.

Nehemaia 9:21

Ag atu taɗakppa maɗ 40 oiyegeg, na atognoadna autna aome amunu, ag keeke laanu tutu ii meppig. Lamen ahilag alag ii me, ag baelkad ele ii titiɗadppig.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Duteronomi 1:3

Israel ag qauko Sinainu ahan, maɗ 40 uue, kalam 11ppa, deɗ digmakppa ag Jodan le laih kaɗag uɗitteppanu daaegeg, Moses nug digma, keeke imu oh ag amelagppa mattie dooppig. Keeke oh Yawe nug amelagppa akkununab amegppa aum amu, nug ag amelagppa mattiom.

Josua 9:13

Amu doɗ gaɗa nippud wain inaknu imu, ag am bau ena dayeye, wain inamut, amge gemu ag alag mena pattiɗadtteb. Ihinkad lamen, baenkad gaɗa ele amu ib imuag elabnab uɗiutut nauhadppig,” aon appig.

Josua 9:5

Ag anam hena, nai awa ukkak danab amu ag baelkad gaɗa nauhe, eɗua babaittak, amu lamen alag ele maadna goppig. Ag bret qaɗaiettak, gi qak ele, ag amu ele Josua ippunidkkulagnu aon goppig.

Eksodas 7:7

Aa anam hepiɗ amu, haen amuppa Moses, nug nuhig maɗ am 80, amu Aron, nuhig maɗ am 83. Aa maɗ anam anam ele daayya, aa Paro noobppa nai madipiɗ.

Namba 14:33

Ag da, Yawe, ag da ippunadmi bia da dim lamiɗkkulagnu uun heppig amunu, diig amunu ag bekkalkad geha atu taɗakppa mauhnoak maɗ 40 oiglag. Ag geha anam oippeg ukkeb, ag laa oh mauhadkkulag.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.

Sam 78:24

Nug ee onig maana ag lakkulagnu, Nug he, ee amu neum. Ao, Nug ag lakkulagnu habppanu ee ag mattom.