Duteronomi 29:12 - Nobonob Baibel

¹² Gemu amu, ag Yawe, ahilag Kayak, ag Nug ele nug tituana, nai qakkaglagnu daatteb. Yawe Nug he, Nug ag ele nug tituana nai qakkak amu hekkulagnu daatteb, amu nai imu Nug hekkunu, Nug nuhig nai amu ɠagattag qetta atte.

Duteronomi 29:12 Referans Kwoze

2 King 11:17

Aria, Jehoiada nug he, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai. Nug amu hewowa, nug he, king, amu danab ah ele ag nug tituanna nai qagappig.

Josua 24:25

Ag anam aeg amu, deɗ amuppa Josua nug ag ehanatte, danab ah ag Yawe ele nug tituana nai qakkak tatam heppig bia baula, Sekem appa heppig. Nug ɗo iɗu iɗu ag dim lamidkkulagnu ele ag amelagppa aum.

Duteronomi 29:14

Amge Yawe Nug, nug tituana nai qakkak imu anana, ɠagattag qedatte ele amu, Nug ag ele aakkuib ii hette.

Duteronomi 29:11

Ag, amu nid naunau ahilkad, ag waalkad, amu wan laihnu danab, ag oolagppa daan, ag aab ahilag aonna, le ele itatteb amu, ag oh iikku daatteb.

Duteronomi 29:13

Nug gemu ag nuhikkud danab ah daatteb, Nug am ahilag Kayak daatte, Nug ag amu dooglagnu hette. Nug amu genab hekkunu nai nuhig ag amelagppa ana qakkom. Ele amu, Nug ag mamelkad aɗi, Abraham, Aisak, Jakop ele amelagppa amu hekkunu nuhig nai ɠagattag qetta aum.

Esekiel 16:20

Amu Naɗi Yawe, Nug tuɗitta atte. “Na nau amu aakku heme, amge na kobol nau amu eɗittak, amu laa ele heme. Na nahipad nid danab, nid ah ele, dahilnu menuadme amu, na nid amu diin main, kayak hambuppuak amu mattame.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 26:17

Gemu ag Yawe Nug ahilag Kayak daatte anan malappig. Ag nuhig kobolppa oinna, ag nuhig ɗo iɗu iɗu, nuhig haknunab anak, nuhig ɗo laa ele dim lamidna, ag Nug keeke ohnu atte amu, ag anam hekkulagnu ele appig.

Duteronomi 28:9

Ag Yawe, ahilag Kayak, ag nuhig nai haknunab anak dim lamidna, ag nuhig kobolppa oiglag dayeb amu, Yawe Nug heeb, ag nuhignu, oppiaawak ele daan, ag danab ah nuhignab daaglag. Nug amu hekkunu nuhig nai ɠagattag qetta aum amu, Nug anam hekku.