Duteronomi 28:8 - Nobonob Baibel

⁸ Yawe Nug ag aɗi keeke ag eppelagppa hekkulag, Nug amu ohppa itatta, bakkalen lakka ee ambak mekku. Yawe, ahilag Kayak, Nug wan ag madatte, amuppa itadkku.

Duteronomi 28:8 Referans Kwoze

Duteronomi 15:10

Ag oolag qak iitta, hamu elelenab mattaglag. Aɗinu? Ag amu hekkulag dayeb amu, Yawe, ahilag Kayak, Nug ag aɗi hekkulag, Nug amu ohppa ag itadkku.

Lewitikas 26:10

Geha ag ee huana ele daan lanan, ee meu maɗ tumai ukkomnu amu agappeg ukkeb, aben dayeb, meu bau amu doa aben aokku.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Luk 12:18

Aria, nug anam ana, nug baula aum. ‘Da inam hekkul. Da ee maknu lag oh loppaɗena, ee mak lag okkai okkai hatten amu, da ee aeg qagmein, keeke ena dahil oh ele lag amuppa qagmeppi dayebeb,

Matyu 6:26

Ag ai aakkud anatteg! Ag ee ii ebatteb, ag qagmena bakkalenu lakka ele ii metteb, amge ag Mamelag, hab aabppa daatte, Nug ai ee madatte. Ag Kayak amegppa ai iite eɗadtteb?

Sam 42:8

Anam aakku daatte, amge Yawe Nug deɗ ohppa nuhig oo mauhaknab kobol ii uutte. Tuqan da nuhig ahi edette, da Kayak dahil, Nug da bau meɗatte amu, da Nug unuqidttem.

Lewitikas 25:21

Ag anam akkulagtai, amu amunu nob mak am, ‘Da, Kayak, da geha maɗ eblaih laippu amuppa itadkkul amunu, wan nug heeb, ee meu huana okku. Ag maɗ ewam oh, ee amu lakkulagnu elele daakku.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Sam 144:13

Ihinkad dad ag ee digdig huanak meulkad okkulag. Ao, ihinkad sipsip ag huana abatna, kuɗum, ge, kuɗum huanak daaglag.

2 King 6:27

Nug anam ewa a, king nug ah amegppa inam aum. “Amu Yawe Nug na ii ehanitteb, da am na attem ehanidkkul? Amu da ee aeg adeppan awen ehanidkkul; da wain ele adeppan awen ehanidkkul?” awa aum.

Matyu 13:30

Uuppeg, aɗit oh meu awak haen ameg mak beiɗ! Bepeɗ, da meu awak haenppa meu awak danab amelagppa appi, gikkiɗah nau tatam hiɗaladna, ehakkadna, aab aɗuppa manaknu mekkulag, amge ag wit qagmena, ee bakkale lag dahilppa mekkulag,’ ” awa aum.

Sam 44:4

⌊O Kayak,⌋ na am dahil King, dahil Kayak ele. Naib danab ah nahipad, Jakop buɗub, na ag ehanatte, ag ahilkad kekeɗ eɗadtteb.

Duteronomi 15:4

Amge ag geha Yawe, ahilag Kayak, ag Nug oɗe tutukkunab dim lamidnana, ag nuhig haknunab anak nai gemu da ag madattem imu oh tutukku dim lamidkkulag dayeb amu, Yawe, ahilag Kayak, Nug wan ag aoppeg, ag aulag daakkunu madatte, amuppa Nug ag huana itadkku amunu, ahilagppa daɗek laa ii daama.

Duteronomi 28:7

Kekeɗ ag banelag uɗin, aqaglagnu ban hekkulag me, Yawe Nug ehanatteb, ag eɗadkkulag. Kekeɗ ag ib laippuppa uɗin aqaknu ban hekkulag, amge ag ib kuɗumppa, noolagppan oolna gokkulag!

Duteronomi 28:20

Yawe Nug heeb, eheɗ laa awaknu anak waappa dayak, dabmak kaboliak, bu qak ele ahilagppa uɗikku. Ag aɗi hekkulagnu hekkulag amu, Nug anam aakku hekku. Nug anamib heeb ukkeb, ag nauhna autna aon, pahanab mauhkkulag. Yawe Nug aɗi diignu anam hekku? Amunu diig am, ag kobol nau henana, Nug dimettaglag, amunu Nug anam hekku.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.