Duteronomi 28:57 - Nobonob Baibel

⁵⁷ nug nid yuɗ bau menua amu, nug nid amunu lo, nid amu ele ahilagppanu lokkumkku. Aɗinu? Kekeɗ ag aab amu oo mattan aqadkkulagnu maadna daaglag, nug aɗitai laa awa lakkunu iitta amunu, uug nau amuppa nug nukka nug lokkumakppa lakku.

Duteronomi 28:57 Referans Kwoze

Aisaia 49:15

Ag Juda ag anam aon atteb, amge Yawe Nug ag amelagppa atte. “Ah nid awa, nid amu huh medatte amu, ah amu nug nid amu daug atikkunu elelete? Nug nid amu oo ii metta, daug atie, nid nug menuom ele amu ii bekkidkkunu elelete? Iittabia amge, gadon, deɗ laippu laippu ah laa nug anam hekku bia, amge da laa nug anam hette bia amu, da ii hepa. Da ahilagnu daul iinab atima.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Duteronomi 28:53

Danab amu ag aab ahilkad oo mattan aqadkkulagnu maadna daan heppeg, ag ee aoglagnu elele iitta daan, enugnu uug naunab anidna, ag geha nid naunau, ag bekkalkad, aɗelkad ele, Yawe, ahilag Kayak, Nug ag mattom amu, ag ag aqan laadkkulag.

2 King 6:28

King nug ah amegppa anam awowa, nug eɗua, oɗ meum. “Attem daatte?” awa oɗ meum. Oɗ me amu, ah nug nob ma, king ameppa aum. “Deɗ laa ah imu da amelppa inam aum. ‘Gemu i geha nid danab nahip tatam qeɗa lawoɗa, aria wagɗeb butti amu, geha ii dahil nid danab lakkunih,’ ” awa aum.

2 King 6:29

I anam aɗaɗa, aakku i nid danab dahil amu battiɗ lamuɗ. Aria, wagɗe deɗ amuppa nid nuhig lakkunihnu ami, amge iitta. Nug nid nuhig amu lokkumom.

Gayak Nai 4:10

Kekeɗ ag daan, ban heeg, dahilad huu nauhppig, haen amuppa ah laala, ag anukka, uug naunab iitta haenppa ag oo bodoetta le mak kobol dim lamidppig amu; ah amu uug naunab haenppa ag nid naunau ahilkad diin, battiadna lappig.