Duteronomi 28:53 - Nobonob Baibel

⁵³ Danab amu ag aab ahilkad oo mattan aqadkkulagnu maadna daan heppeg, ag ee aoglagnu elele iitta daan, enugnu uug naunab anidna, ag geha nid naunau, ag bekkalkad, aɗelkad ele, Yawe, ahilag Kayak, Nug ag mattom amu, ag ag aqan laadkkulag.

Duteronomi 28:53 Referans Kwoze

Gayak Nai 4:10

Kekeɗ ag daan, ban heeg, dahilad huu nauhppig, haen amuppa ah laala, ag anukka, uug naunab iitta haenppa ag oo bodoetta le mak kobol dim lamidppig amu; ah amu uug naunab haenppa ag nid naunau ahilkad diin, battiadna lappig.

Gayak Nai 2:20

O Yawe, na imu anidna dabmekkutnu oɗ medattem; na Juda danab ah uug naunab mattame amu, na laa dilagppa anambia hemete? Ah ag ahilkad nid, ag nid amu atognoattegeg, ena metteb ele amu, ag ag battiadna latteb am kobol tutukkute? Ge, kekeɗ ag mana mettak danab, propet ele Naɗinu mettid lakka aqaeg mauhtteb am enate?

Jeremaia 19:9

Da heppi, kekeɗ ag Juda danab aqaglagnu hetteb ele, ag uɗin, aab imu oo mattan aqaknu maadna daanna heppeg, ee iittanab meeb, danab ah aab ooppa daatteb ele ag bekkalkad, aɗelkad ele teppulag lanana, ag lailkad teppulag ele lakkulag.” Yawe Nug da amelppa anam aum.

Lewitikas 26:29

⌊Ahilag ee aɗatte aoppi,⌋ ag bekkalkad, aɗelkad teppulkad lakkulag.

Duteronomi 28:57

nug nid yuɗ bau menua amu, nug nid amunu lo, nid amu ele ahilagppanu lokkumkku. Aɗinu? Kekeɗ ag aab amu oo mattan aqadkkulagnu maadna daaglag, nug aɗitai laa awa lakkunu iitta amunu, uug nau amuppa nug nukka nug lokkumakppa lakku.

Esekiel 5:10

Da amu hekkul amunu, Jerusalem ooppa mamelkad anilkad ag nid ahilkad ladappeppeg, nid ag ele anilkad mamelkad lattaglag. Da ag bu madappi, ag kuɗum mauhkkulag. Amu laa ag ii mauhkkulag amu, da heppi, kekeɗ ag diin, wan laih laih miag, am uma ele gokkulag. Ulah keeke huma awa gotte, amubia kekeɗ ag heppeg, ag Juda ag matatun laih laih gona daaglag,” awa atte.

Duteronomi 28:55

Nug geha teppu lakku ele amu, nug ag maha nakok laa mattaknu uukku. Teppu amuam nug nid nuhignab laa teppu. Kekeɗ ag aab oo mattan aqadkkulagnu maadna daaglag amunu, nug aɗitai laa awa lakku iittanu, nug anam aakku hekku.

Matyu 24:19

Am haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon.

Duteronomi 28:18

Ag nid kuɗum iitta, amu ahilkad dad ele nauhak daaglagnu, ag eheɗ laa awaknu anak amu waappa daaglag. Ahilag makau, sipsip ele ii menuglagnu, ag eheɗ laa awaknu anak amu waappa daaglag.

Duteronomi 28:54

Am danab laa ag oolagppan, nug hanhan laa dilagnu oo doyak okkai dootte ele, haen nau amu beeb, nug nug awagnu, amagnu, nug wau gamagnabnu, nid nuhikkud ii mauhppignu ele amu, nug amu oh dilagnu oo ii bodoetta, le mekku.