Duteronomi 28:51 - Nobonob Baibel

⁵¹ Wan amuppan ban danab ag doɗ manan nalkad, ee ele oh lappeg, ag Israel, ag geha enug aqeb mauhkkulag. Ag ee aeg, wain bau, olip goɗen, makau nag laa, sipsip nag laa ele iinab uuppeg daakku amunu, ag nauhkkulag.

Duteronomi 28:51 Referans Kwoze

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Esekiel 12:19

Na anam hena, na Israel danab ah Israel wanppa daatteb, na nai imu ag amelagppa inam appe doyeg! Naɗi Yawe, Nug danab ah Jerusalem appa, Israel wanppa ele daatteb amu, Nug ahilagnu inam atte. ‘Kekeɗ ag gona hebeppeg, ag baɗan, ee lakkulag. Ge, ag, “Uug imu iitta meeb, ig eɗut ena daagnig,” ag dabmak am ii aonna, le oug ahilag lakkulag. Aɗinu ag anam hekkulag? Danab amu oh Israel wanppa daatteb amu, ag laa guittak nau mauhnoak mettak kobol dim lamidtteb amunu, da heppi, kekeɗ ag gona, wan amunu keeke oh akkaglag; wan amu aakku nauha auta aokku.

Jeremaia 17:3

qauko okkaippa, amu gikkiɗah dad okkaippa ele meeg daatteb amu, ag amu dabmena, appa ag kayak hambuppuak laala, amu Aserah ele noolagppa dup nona binag metteb amunu, da ahilag en, ahilag keeke ena ena ele laa hamu madakkul. Ag wan ahilagppa aben ohppa kayak hambuppuak noobppa dup nona binag menan hipunin hetteb amunu, da aben amu oh laa hamu madakkul.

Jeremaia 15:13

Ag Juda danab oh ag hipunin hetteb amunu, da ahilag en, ahilkad keeke ena ena ele kekeɗ madappi, ag hamu aon gokkulag.

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Duteronomi 28:50

Am wan amuppan ban danab, ag iɗulkad am danab ag anadna baɗatteb. Ag am danab kaino dilagnu ena elele ii dootteb, ag am oo gai-iitta doya oo metta ehanittak kobol ele danab ah bau dilagppa ii hetteb.

Duteronomi 28:52

Danab amu ag aab ahilkad amu oo mattan aqaknu maadna daanna, ban hena, ag aabnu aɗ attan, ɠagattag ele oh loppaɗadkkulag. Aɗ amu ag ehanadppeg, kekeɗ ahilkad ag ii aqamna anam dabmekkulag, amge amuam genab iitta. Am genab, danab amu ag Yawe, ahilag Kayak, ag Nug wan madatte ele amuppan aab ohnab banelag gona, oo mattan aqadkkulagnu maadna daaglag.

Esekiel 25:4

Ag amu heppig amunu, gemu da heppi, kaɗag uɗitteppanu danab ag uɗin eɗadppeg, ag Amon danab ag ag eppelagppa daan, ahilag daaglag. Danab amu ag kaɗag uɗitteppanu uɗin, ag haen tutu dayaknu aab ag Amon danab oolagppa kalan daaglag. Ag peh lag ahilkad ag oolagppa qappan taiettan daaglag. Wan laappan danab amu ag ag Amon danab, ag ahilag ee, ahilag huh ele aon lakkulag.

2 King 25:10

Amu Nebusaradan, nug daup Nebukatnesar gumappig dilag okkai amu, nug a, Babilon dilag daup ag Jerusalemnu aɗ loppaɗeg nauhom.

Gayak Nai 4:9

Laa ag kekeɗ daan ban heegeg, qep elabppa mauhppig amu, ahilagnu am ena; laa enugnu mauhtteb, amuam ena iitta. Gemu laa daatteb, ag dattanu ee awaknu ib iitta amunu, ag enug eheɗnab aqeeqe, ag ebehilkad teete, ag mauhtteb. Ahilagnu am gadonnab gadon.