Duteronomi 28:43 - Nobonob Baibel

⁴³ Wan laihnu danab, ag uɗin, ag oolagppa daatteb, ag geha tuɗidib ɠagattag bebeppeg, ag amu geha tuɗidib bodoettaglag.

Duteronomi 28:43 Referans Kwoze

Duteronomi 28:13

Ag haknunab anak nai Yawe, ahilag Kayak, ag nuhig nai imu dabmettan dim lamidkkulag amu, Yawe Nug ag humatteb, ag ikki bia, binalag okkai ele daaglag. Ag boob bia, danab ah laa oh waalagppa ii daamna.

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Jon 18:31

Aeg amu Pailat nug ag amelagppa aum. “Ag akka Nug aon gona, ahilag ɗoppa nuhig nai epeɗieg!” awa aum. Anam a amu Juda okkai ag appig. “Rom ag ig danab laa qepput mauhkkunu aib appig amunu, ig danab laa qepput mauhkkunu elele iitta. ⌊Diig amunu amu ig na Rom dilag kobolppa danab imu ad emaitakppa aihkkutnu oonig daatte,⌋” aon appig.

2 King 17:23

Ag anam heegeg ukke ukke, Yawe Nug nuhikkud maɗi nid, propet, Nug ag oɗelagppa nau aomnanu nai ag amelagppa mattiom, amge ag nai amu uueg, amu Nug nai amu ippuanattom bia, Nug he, ag Nug noobppa ii daappig. Asiria ag banelag uɗin, Israel eɗadna, appalag diigppanu diin, Asiria wanppa ukkaeg, ag wan amuppa diia ukka laih me dayak danab ah appa daappig. Gemu ele ⌊nai imu yaak haenppa,⌋ ag appa ana daatteb.

2 King 17:20

Anam amunu aakku, Yawe Nug Israel buɗub oh geɗattom. Nug eheɗ matta he, kekeɗ ag uɗin, Israel dilag keeke yab akkan goppig. Amge Israel ag kobol nau hak ii uuppig amunu, Yawe Nug he, ag gona, Nug noobppa ii daappig.

Ikki Danab 14:4

Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

Ikki Danab 2:3

Haen amuppa ele da nai imu ami. ‘Ag da oɗel ii dim lamidkkulag dayeb, da danab wan imuppa daatteb, da heppi, ag Israel ag ii lamadmana. Da amu ii hepa amunu, danab ah amu ag daanna, ag am danab nug qaun qettippa guittak medatte bia, ag eheɗ hadappeppeg, ahilkad kayak am pelem bia, ag aguppa tena, eheɗ aoglagnu daaglag,’ awe ami. ⌊Am gemu anamib daakku⌋,” awa aum.

Ikki Danab 6:6

Midian ag anam heppig amunu, diig amunu Israel danab ah ag keeke iitta ele. Israel ag anam aakku daan, ag Yawe ehanadkkunu gaappig.

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Gayak Nai 2:17

Yawe Nug aɗi keeke hekkunu maittak awa dayom amu, Nug aakku heum; Nug anukka aɗi keeke hekkunu ɗo nai aum amu, Nug he, nai amu meu oum. Nug oo gai-iitta doya oo metta ehanittak kobol ii dabmaama he, kekeɗ ag heeg, ag Juda, ag padal meppig. Ao, Nug he, ag Juda, ag nena qeppig amu, ahilkad kekeɗ ag amunu gamag ahak nau okkainab dooppig; Nug he, ahilkad kekeɗ ag ɠagattagnab daan oitteb.

Gayak Nai 1:5

Kekeɗ ag gemu Juda wan aɗaeg, Juda ag eppelagppa daatteb; Juda dilag kekeɗ ag hamunab, uug laa iitta ele daatteb. Juda danab ag hipunin huanak heppig; amunu Yawe Nug uug nau mattom. Kekeɗ ag Juda eɗadna heeg, Juda danab ah ag diia ukka laih me dayak danab ah wan laappa daaglagnu, ag kekeɗ noolagppa maniguittak danab ah daan, baelagppa oinna goppig.