Duteronomi 28:16 - Nobonob Baibel

¹⁶ Ag aab okkaippa, aab okkai dimittim ele eheɗ laa awaknu anak waappa daaglag.

Duteronomi 28:16 Referans Kwoze

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

Joel 1:4

Am inam. Tap-lokus huanaknab ag ameg naɗinab daan uɗin, keeke laeg ukke, keeke laa uun ii lappig amu, tap-lokus okkai okkai, ag lappig. Tap-lokus okkai okkai ag keeke lanan uun, ii lappig amu, tap-lokus bau makkulak, ag lappig. Am tap-lokus bau makkulak ag keeke lanan uun, ii lappig amu, tap-lokus diig laala ag lappig.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Jeremaia 14:18

Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Malakai 4:6

Amu da uɗie heppi, ahilag wan eheɗ laa awaknu anak waappa daamanu amu, Elaiya nug uɗia heeb, nid mamelkad ag ahilkad nid dilagnu oolag daakku; amu nug heeb, nid ag ele ag mamelkad dilagnu oolag daakku.” Yawe Nukka Ɠagattag Oh Ele Nug anam atte.

Gayak Nai 5:10

Danab enug eheɗnab qe, beɗu eheɗ gakkaɗtte; amubia ig enugnu beɗunig gakkaɗaknab daatte.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Aisaia 43:28

Amunu da heppi, ag Juda, ag ahilag mana mettak danab amu, danab ah laa ag ahilagnu, ag am keeke hamu bia dooglag. Ao, da heppi, ag Jakop buɗub, ag dahilnuib, dahil pelemppa daaglag. Ge, da heppi, ag Israel buɗub ag uɗa nak nau guittak ele dooglag.” Yawe Nug anam atte.

1 King 17:12

Ewa a amu, ah qab nug aum. “Yawe, nahip Kayak, Nug genab bau daatte, genab amubia, da bret iitta. Da plaua nakokib waa laappa dayeye, am olip goɗen big nakok hinaippa daatte. Geha iikku da aab hiɗig imu awe ukke, plaua amu maikkul. Geha da maippi, da bekkal ele i lawoɗa, dimppa amu ee laa iitta amunu, geha i mauhkkunih,” awa aum.

1 King 17:5

Yawe Nug anam aum amunu, Elaiya nug Yawe aum, amubia heum. Nug ukka, le nakok onig Keritnu oolnu noak, aguppa dayom. Le nakok amuam Jodan le heqo laih, kaɗag uɗitteppanu, amuppa daatte.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

Duteronomi 28:55

Nug geha teppu lakku ele amu, nug ag maha nakok laa mattaknu uukku. Teppu amuam nug nid nuhignab laa teppu. Kekeɗ ag aab oo mattan aqadkkulagnu maadna daaglag amunu, nug aɗitai laa awa lakku iittanu, nug anam aakku hekku.

Genesis 5:29

Do amu Lamek nug aum. “Yawe Nug wan eheɗ laa awaknu anak waappa daakkunu meum amu, nid imu nug ig wanppa uɗat ihinignu ehanigkku,” amunu Lamek nug onig Noa ataɗom.

Job 24:18

⌊O lailad, ag mattin, inam atteb.⌋ ‘Nau hak danab ag amu hetteb ele ag am le hipaɗ le qaɗeppa daatte bia daan, ⌊pahanab iitta metteb⌋. Ahilag wan am eheɗ laa awaknu anak waappa daye, appa laa grep meu aokkunu grep dadppa ii gotte. Iitta.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.